Bügın — akter Qasym Jäkıbaevtyŋ tuǧan künı

Bügın — keŋestık jäne qazaq kino jäne teatr akterı, qazaq teatrynyŋ metrı atanǧan daryndy artist, Qazaqstannyŋ halyq ärtısı, täuelsız «Platindy Bas Tarlan» syilyǧynyŋ jäne Qazaq Ūlttyq kinoakademiiasynyŋ «Qūlager» syilyǧynyŋ iegerı, teatr jäne kino önerınde özındık qoltaŋbasyn qaldyrǧan akter Qasym Jäkıbaevtyŋ tuǧan künı. Qasym Äbekūly Jäkıbaev 1929 jyly 12 jeltoqsanda Almaty oblysy, Jambyl audany, Şolaqqorǧan auylynda düniege kelgen. Äkesı soǧysqa ketken, Qasym qazırgı Panfilov parkınde ornalasqan «Krasnaia zvezda» artelınde jūmysşy boldy. 15 jasynda äkesı Äbek Ūly Otan soǧysynda qaza tabady. Äke ölımınen soŋ, köp ūzamai anasy Sarqyt ta marqūm bolady. Ömırdıŋ qiyn-qystau kezderın, auyrtpaşylyǧyn erte körgen Qasym 1944 jyly Almatydaǧy Teatr jäne körkemsuret uchilişesıne tüsıp, 1948 jyly ony bıtırıp şyǧady. Sol kezde Halyq ärtısı Iаkov Viktor İvanovich pen qazaq önerınıŋ maitalmany Mäntai Syzdyqovtan därıs alǧan. Tuma daryn teatr sahnasynda jürıp 300-den asa röldı somdaidy. Sonyŋ ışınde Polonii (V.Şekspirdıŋ «Gamletınde»), Vurle (F.Şillerdıŋ «Zūlymdyq pen mahabbatynda»), Qairaqbai (S.Mūqanovtyŋ «Möldır mahabbatynda»), Bükır (S.Bodyqovtyŋ «Otyrar erteŋ qiraidysynda»), Toqai (Ǧ.Müsırepov pen Q.Ysqaqtyŋ «Ūlpan eniseiınde»), Şyŋǧys han (Ş.Aitmatov pen M.Şahanovtyŋ «Miǧūla terısı üstındegı sotynda»), Qonqai (Ǧ.Müsırepovtıŋ «Aqan serı – Aqtoq-tysynda»), Älıbek (Ş.Aitmatovtyŋ «Armanym, Äselımınde») t.b. Qasym Jäkıbaev–oinaqtaǧan jetı jasar baladan, qartaiǧan jetpıstegı şalǧa deiıngı rölderdı somdap, qazaq teatr tarihynda özındık qoltaŋbasyn qaldyra bılgen daryndy tūlǧa. Ol kino salasyna da eleulı üles qosqan tanymal akter. Onyŋ «Dersu Uzala», «Jansebıl», «Qan men ter», «Üşeu», «Mahabbat stansiiasy», «Toǧysqan taǧdyrlar» filmderındegı rölderı — kino önerı tarihynda qaldy.