Búgin — akter Qasym Jákibaevtyń týǵan kúni

2197
Adyrna.kz Telegram

Búgin — keńestik jáne qazaq kıno jáne teatr akteri, qazaq teatrynyń metri atanǵan daryndy artıst, Qazaqstannyń halyq ártisi, táýelsiz «Platındy Bas Tarlan» syılyǵynyń jáne Qazaq Ulttyq kınoakademııasynyń «Qulager» syılyǵynyń ıegeri, teatr jáne kıno ónerinde ózindik qoltańbasyn qaldyrǵan akter Qasym Jákibaevtyń týǵan kúni.

Qasym Ábekuly Jákibaev 1929 jyly 12 jeltoqsanda Almaty oblysy, Jambyl aýdany, Sholaqqorǵan aýylynda dúnıege kelgen. Ákesi soǵysqa ketken, Qasym qazirgi Panfılov parkinde ornalasqan «Krasnaıa zvezda» artelinde jumysshy boldy. 15 jasynda ákesi Ábek Uly Otan soǵysynda qaza tabady. Áke óliminen soń, kóp uzamaı anasy Sarqyt ta marqum bolady. Ómirdiń qıyn-qystaý kezderin, aýyrtpashylyǵyn erte kórgen Qasym 1944 jyly Almatydaǵy Teatr jáne kórkemsýret ýchılıesine túsip, 1948 jyly ony bitirip shyǵady. Sol kezde Halyq ártisi Iakov Vıktor Ivanovıch pen qazaq óneriniń maıtalmany Mántaı Syzdyqovtan dáris alǵan.

Týma daryn teatr sahnasynda júrip 300-den asa róldi somdaıdy. Sonyń ishinde Polonıı (V.Shekspırdiń «Gamletinde»), Výrle (F.Shıllerdiń «Zulymdyq pen mahabbatynda»), Qaıraqbaı (S.Muqanovtyń «Móldir mahabbatynda»), Búkir (S.Bodyqovtyń «Otyrar erteń qıraıdysynda»), Toqaı (Ǵ.Músirepov pen Q.Ysqaqtyń «Ulpan enıseıinde»), Shyńǵys han (Sh.Aıtmatov pen M.Shahanovtyń «Mıǵula terisi ústindegi sotynda»), Qonqaı (Ǵ.Músirepovtiń «Aqan seri – Aqtoq-tysynda»), Álibek (Sh.Aıtmatovtyń «Armanym, Áseliminde») t.b. Qasym Jákibaev–oınaqtaǵan jeti jasar baladan, qartaıǵan jetpistegi shalǵa deıingi rólderdi somdap, qazaq teatr tarıhynda ózindik qoltańbasyn qaldyra bilgen daryndy tulǵa.

Ol kıno salasyna da eleýli úles qosqan tanymal akter. Onyń «Dersý Ýzala», «Jansebil», «Qan men ter», «Úsheý», «Mahabbat stanııasy», «Toǵysqan taǵdyrlar» fılmderindegi rólderi — kıno óneri tarıhynda qaldy.

 

Pikirler