Shymkent ákimi Murat Áıtenov Abaı aýdanyndaǵy jańadan paıdalanýǵa berilgen ashyq sport alańshasyna bardy.
Abaı aýdanyndaǵy 453 kópqabatty turǵyn úı 258 aýlaǵa biriktirilgen. Sońǵy jeti jylda 222 aýla abattandyrylyp, 56 sport alańshasy salyndy.
Osy jyly 21 kópqabatty turǵyn úı aýlalaryn abattandyrýǵa, 12 sport alańshasyn aǵymdaǵy jóndeýge, 35 sport alańshalaryn ornatýǵa qarjy bólinip, qurylys jumystary júrip jatyr. Jyl sońyna deıin tolyǵymen paıdalanýǵa beriledi. Sonymen qatar, «Shymkent qaıyrymdy qala» qory arqyly demeýshilik esebinen 4 sport alańshasy ornatyldy.
2022 jyly 15 aýlany abattandyrý, 50 sport alańshasyn salý josparlanyp otyr. Qala ákimi turǵyndarǵa endi bul alańshalardy kútip ustaý kerektigin aıtsa, dop teýip rıza bolǵan balalar óz alǵystaryn jetkizdi.
Shymkent qalasy ákimdiginiń baspasóz qyzmeti
