Almatyda «Altyn bulaq-2» turǵyn úı keshenindegi páterler órtenip jatyr. 120-dan astam adam evakýaııalandy, dep habarlaıdy QazAqparat.
Almaty qalasynyń Tótenshe jaǵdaılar departamentiniń kúshteri men tehnıkasy shaqyrtý boıynsha 11 jeltoqsanda saǵat 23:58-de Almaly aýdany, Brýsılov kóshesindegi 167 úıdegi órtti sóndirýge attanǵanyn málim etti. Olar kelgen sátte, ıaǵnı saǵat 00:08-de «Altyn bulaq-2» turǵyn úı kesheniniń 6-7, sondaı aq 17-18-shi qabattary janyp jatqan.
«Oqıǵa ornynda jedel shtab quryldy. Gaz jáne tútinnen qorǵaý qyzmetiniń bólimsheleri qazir 120-dan astam adamdy evakýaııalady, 20 adamdy qutqardy, gıdranttarǵa ısternalar ornatty. Baspaldaq alańdaryndaǵy tútindi azaıtýǵa ony tartatyn órt sóndirý kólikteri jumyldyryldy», - dep habarlady Almaty qalasy Tótenshe jaǵdaılar departamenti.
Jalyn sharpyǵan alańǵa 70-ten astam qyzmetker men 18 tehnıka jumyldyrylǵan. Evakýaııa júrip jatyr. Sol mańdaǵy jeke kólikterdiń kóptigi órt sóndirý tehnıkasyna kedergi bolǵanyna qaramastan, órt sóndirý satylary iske qosyldy.
