Arhangelsk qalasynyń burynǵy ákimi Aleksandr Donskoı qalaǵa Pýtıngrad degen ataý berýdi usyndy. Ol "Gazeta.Ru" basylymyna bergen suhbatynda Vladımır Pýtınniń ómirbaıany men qala arasynda eshqandaı baılanys joq ekenin, qala ataýyn Pýtıngrad dep ózgertý aımaqqa ınvestıııa men týrıst tartý úshin ǵana qajet ekenin aıtty, - dep habarlaıdy Tengrinews.kz tilshisi.
"Másele mynada, baılanys (Pýtınmen) joq. Prezıdent bizde týmaǵan, oqymaǵan, ómir súrmegen, bul - qala úshin úlken kemshilik. Meniń ıdeıam mynadaı: kemeni qalaı ataısyń, ol solaı júzedi. Ókinishke qaraı, Arhangelsk únemi kúırep turǵan qala. Keıingi jańalyq, qala ákimine nashar jol úshin 2 mıllıon rýbl aıyppul salyndy. Qala eski, apattyq jaǵdaıdaǵy turǵyn úılerdiń sany boıynsha kóshbastap tur. Meniń oıymsha, qala Pýtın atalsa, bul qalaǵa ınvestıııalar tartýǵa, Arhangelsk qalasyn damytý baǵdarlamasyn júzege asyrýǵa jáne týrısterdi tartýǵa múmkindik beredi. Mundaı ataýy bar qalada sheneýnikter, depýtattar nashar jumys isteı almady", - dedi Donskoı.
Eks-sheneýnik Sheshenstan astanasyn mysalǵa keltirdi, onda Pýtın dańǵylyna ótetin Qadyrov dańǵyly bar.
"Groznyıda Qadyrov atyndaǵy kóshe bar jáne jaǵdaıy jaqsy. Ol jerde eki ret boldym, bizge kóp nárse úırený kerek", - dedi Donskoı.
Burynǵy ákim Arhangelsk eltańbasyn aýystyrýdy usynyp, onyń eskirgenin aıtty.
"Arhangelsk - álemdegi eltańbasynda shaıtan beınelengen jalǵyz qala. Qala qonaqtary eltańbanyń maǵynasyn túsinbeıdi, ol durys kompozıııa emes. Men kóńildi, otansúıgishtikke baýlıtyn birnárse qosý kerek dep sanaımyn, sondyqtan eń jaqsy nobaıǵa baıqaý jarııaladym. Jeńimpaz qarapaıym syılyq, ıaǵnı 10 myń rýbl alady", - dedi Donskoı.
Ol Arhangelsk ataýyn ózgertý jáne qalanyń eltańbasyn ózgertý týraly usynyspen jergilikti bılikke júginýdi josparlamaıtynyn aıtty.
"Meniń oıymsha, bastama tómennen bastalýy kerek. Eger usynystarymdy qalalyq depýtattar keńesi baıqasa, durys bolady", - dep tolyqtyrdy Donskoı.
Jýrnalıster Arhangelsk ákimshiliginiń baspasóz qyzmetinen ıdeıaǵa túsinik berýin suraǵanda, olar tipti ony qarastyrmaıtyndaryn aıtqan.
Olar qalanyń "mańyzdy problemalary" bar ekenin túsindirip, tipti bul aqparatty baıqamaǵandaryn aıtqan.
"Donskoı - jeke tulǵa. Bul tipti ázil túrinde de talqylanbady", - dedi baspasóz qyzmeti.
“Adyrna” ulttyq portaly
