Shymkentte polıııa departamentine óz aıaǵymen kirgen kúdiktiniń máıiti shyqty. Nurbolat Jumabaevpen birge polıııa ǵımaratyna jetkizilgen dosy oqıǵanyń qalaı bolǵanyn aıtyp berdi, dep habarlaıdy “KTK” arnasy.
Jaqyndarynyń aıtýynsha, Nurbolat Jumabaev Qostanaıdan dosymen birge Shymkentke qalyńdyǵyn áketýge kelgen eken. Dámhanada tústenip otyrǵan ekeýdi arnaıy jasaq qolyna kisen salyp alyp ketken.
Polıııa departamenti taratqan aqparatta qalyńdyq týraly sóz joq. Shymkentke kólik urlaýǵa keldi degen kúdiktiniń densaýlyǵy dimkás bolýy múmkin dep otyr tártip saqshylary.
Nurbolat Jumabaev dosymen birge Qostanaıdan Shymkentke bes kún buryn kelipti. Qalyńdyǵyn úıine aparý úshin kelgen jigiti janyndaǵy dosymen dámhanada otyrǵan jerinen arnaıy jasaq qolyn qaıyryp áketken.
"Kólikke otyrǵyzǵannan bastap basymyzǵa qapshyq kıgizip ura bastady. Departamentke jetkizgende tepki údeı tústi. Men dosymdy sońǵy márte kórgende polıeıler uryp jatqan. Odan soń ekeýimizdi bólek áketti. Meniń qolymdy kisendep, jerge jatqyzyp basymnan tepti. Bir márte basyma kıgizgen qapshyqty sheship, túrin jattap úlgerdim. Olar 3-4 jedel ýákil men taǵy arnaıy jasaqtyń jigitteri. "Sender kólik urladyńdar, sondyqtan moıyndańdar, kórshi kabınettegi dosyń moıyndaýǵa shaq qaldy" dep kúshtedi. "Óz erkińmen qol qoımasań, densaýlyǵyńnan aırylasyń"dep qorqytty”, – deıdi jábirlenýshi Sergeı Petrov.
Biraq jedel ýákildermen kirgizilgen Nurbolat Jumabaev kabınetten tiri shyqqan joq. Tergeý kezinde jaǵdaıy kúrt nasharlaǵan 31 jastaǵy jigit jedel járdem kelgenshe kóz jumǵan.
Marqum Nurbolat Jumabaevtyń advokaty da polıeıler óreskel zańbuzýshylyqqa barǵanyn aıtady.
“Úsh saǵattan astam zańsyz ustapty. Nege bul ýaqytta advokat bermegen? Odan soń jedel ýákilder nege tergeýshige deıin jetkizbegen? Tergeý men zańdy sheshim qabyldaý tergeýshiniń quzyrynda emes pe? Qylmys jasaǵan kúnniń ózinde nege arnaıy jasaqpen ustaıdy? Bular qylmystyq toptyń múshesi emes qoı. Nege zań boıynsha shaqyrtý qaǵazyn jibermegen?” – deıdi jábirlenýshiniń qorǵaýshysy Talǵat Esimov.
Bul suraqtarǵa jaýap berý úshin polıııa departamenti bastyǵynyń ózi shyqty. Generaldyń sózinshe, advokat shaqyrtylǵan eken. Al Nurbolat Jumabaevpen serigi Sergeı Petrov birneshe kólik urlaý deregi boıynsha kúdikti retinde ótipti. Tipti bultartpas dálelderi de bar eken. Al tergeý kabınetinde "kameralar bar" degen ol mán-jaı tek saraptama qorytyndysynan keıin ashylady dep otyr.
“Dálizde ornatylǵan, kabınette bar. Kabınette sóılesken, sol jerde jigitterge "mazam bolmaı tur" degen. Keshirińizder, biz dáriger emespiz. Árkimde ártúrli jaǵdaı bolady. Endi saraptama sheshimin kúteıik”, – deıdi Shymkent qalasy polıııa basqarmasynyń basshysy Eraly Jumahanbetov
Qazir bul ispen qalalyq prokýratýra men mınıstrliktiń ózindik qaýipsizdiginen kelgen laýazymdy shendiler aınalysyp jatyr.
"Shymkenttiń sot-saraptamasyna senbeımiz" degen marqumnyń jaqyndary táýelsiz saraptamanyń kómegine júginbekshi. Al bir aptadan soń úılený toıy bolady dep kútip júrgen Nurbolat Jumabaevtyń denesi birer kúnde týǵan qalasy Qostanaıda jerlenedi.
“Adyrna” ulttyq portaly
