Tergeý kezinde qaıtys bolǵan jigittiń ákesi: “Denesiniń saý jeri joq”

4261
Adyrna.kz Telegram

Bir kún buryn Shymkent qalalyq polıııa departamentinde tergeý kezinde jumbaq jaǵdaıda qaıtys bolǵan Nurbolat Jumabaevtyń ákesi Erqara Jumabaevqa 9 jeltoqsanda ulynyń máıiti kórsetildi. Balasynyń denesi qantalap ketkenin aıtqan Erqara Jumabaev ony "uryp óltirgen bolýy múmkin" degen kúdiktiń ulǵaıǵanyn aıtty, dep habarlaıdy “Adyrna” ulttyq portaly Azattyq radıosyna silteme jasap. 

– Denesiniń saý jeri joq. Qantalap ketken. Basy, ıyǵy, aıaǵy, arqasy. Kógergende denesi qaraıyp ketken. Kameraǵa túsirýge ruqsat bermedi. Ózderi túsirip turdy. Advokat soqqynyń izderi deıdi. Al analar (prokýratýra men polıııa qyzmetkerleri – red.) úndemeı tur, – dedi Erqara Jumabaev Azattyq tilshisine.

Ol 9 jeltoqsanda tańerteń jýrnalısterge "uly aýyryp kóz jumdy" degen polıeılerdiń sózine senbeıtinin, balasyn "uryp óltirýi múmkin" ekenin jetkizgen edi.

Jumabaevtyń sózine qaraǵanda, 8 jeltoqsanda kúndizgi saǵat 12-ler shamasynda balasy Nurbolat Jumabaevpen beıneqońyraý arqyly sóılesip turǵan kezde ulyn polıııa ustaǵan. Shamamen 4 saǵat ótkennen keıin balasynyń qaıtys bolǵany jóninde habar jetken. Ol ulynyń densaýlyǵy jaqsy bolǵanyn, júregi aýyrmaǵanyn aıtady.

8 jeltoqsanda marqummen birge ustalǵan ekinshi kúdikti Sergeı Petrov shekesiniń kógergenin aıtady. Ol polıeılerdiń ózderin uryp-soqqanyn jetkizdi.

— Basymyzǵa qap kıgizip, uryp soqty. Odan soń qalalyq polıııa departamentine ákeldi. Bizdi jedel ýákilder urdy. Jumabaevty da urdy. Onyń bárin kórdim. Basymyzǵa kýrtka kıgizip, qolymyzdy kisendedi. Kýrtka túsip qaldy. Ony (Jumabaevty – red.) qalaı áketkenin, qalaı uryp soqqanyn kórdim, – deıdi Sergeı Petrov.

Al beısenbi kúni osy oqıǵaǵa túsinikteme bergen Shymkent qalalyq polıııa departamentiniń bastyǵy Eraly Jumahanbetov "tergeý amaldary júrip jatqan kezde artyq áńgimeni neǵylamyz" dep saraptama nátıjesin kútýge keńes berdi.

– Kabınette jigitterge "mazam bolmaı tur" dep aıtqan. Endi sizder keshirińizder, biz dáriger emespiz. Ártúrli jaǵdaı bolady. Saraptama nátıjesin kúteıik, – dedi ol.

Jýrnalısterdiń "tergeý kezinde kabınette kamera boldy ma?" degen suraqqa ol "ıá" dep jaýap berdi. Biraq ol týraly ári qaraı aıtpady. Onyń aıtýynsha, marqumdy tergegen bes-alty adamnyń eshqaısysyna ázirge jumystan shettetilmegen. Olardyń áreketi tekserilip jatyr.

- Tergeý amaldaryna qatysýǵa quqymyz joq. Prokýratýra men ózindik qaýipsizdik qyzmeti dene jaraqatyn bárin qarap shyqqan. Alǵashqy kezde kórinip turǵan jaraqat joq dep aıtty. Qaıtalap aıtamyn, men dáriger, sarapshy emespin, - dedi polıııa bastyǵy.

Qazaqstanda polıııa departamentinde jumbaq jaǵdaıda qaıtys bolǵan oqıǵalar jıi kezdesedi. 2020 jyly qazan aıynda ShQO-da "mal baǵyp júrgen jerinen ustalyp, polıııaǵa jetkizilgen" turǵyn belgisiz jaǵdaıda qaıtys boldy. Týystary marqumdy "polıııa bólimshesinde azaptap óltirgen bolýy múmkin" dep aıtqan. Keıin oqıǵaǵa baılanysty birneshe qyzmetker ustalǵan.

”Adyrna” ulttyq portaly

Pikirler