Almatylyqtar burynǵy Ulttyq bank ornalasqan QR Qarjy naryǵyn retteý jáne damytý agenttigi ǵımaratynyń janyna jınalyp, ózderi alǵan nesıeni esepten shyǵarý týraly ótinish jazdy. Ǵımarat mańyndaǵy shekten tys kezekke polıeıler bas-kóz boldy dep habarlaıdy “Adyrna” ulttyq portaly.
Ǵımarat mańyna eki júzge jýyq adam jınaldy. Almatylyqtar óz aryzdaryn kólikterdiń ústinde jazyp, ony qaqpa syrtynan qabyldap jatqan qarjy retteýshisiniń ókilderine berdi. Biraq, árıne, eshkimdi ishke kirgizbedi. Al Ulttyq bank buǵan deıin nesıelerdi esepten shyǵarý týraly aqparat jalǵan jáne shyndyqqa sáıkes kelmeıtinin habarlaǵan bolatyn. Qazaqstandyqtardy resmı aqparat kózderine senýge jáne keńes alý úshin Qazaqstan Respýblıkasy Ulttyq Bankiniń 1477 baılanys ortalyǵyna habarlasýǵa shaqyrdy.
Sondaı-aq búginde 2007-2008 jyldardaǵy qarjylyq daǵdarystan jáne teńgeniń qunsyzdanýynan eń kóp zardap shekken ıpotekalyq qaryz alýshylardyń jekelegen sanattaryna – ıpotekalyq nesıe alǵan qaryz alýshylarǵa kómek kórsetetin bir ǵana Ipotekalyq nesıeni qaıta qarjylandyrý baǵdarlamasy bar ekeni habarlandy.
”Adyrna” ulttyq portaly
