Toqaev jetkiliktilik shegin kóterý merzimin 2022 jyldyń 1 sáýirine deıin uzartty

1958
Adyrna.kz Telegram

Memleket basshysy  Qasym-Jomart Toqaev Úkimetke zeınetaqy qoryndaǵy qarajatty paıdalanýǵa qatysty jetkiliktilik shegin kóterý merzimin 2022 jyldyń 1 sáýirine deıin uzartýdy tapsyrdy. Bul týraly Prezıdenttiń baspasóz hatshysy Berik Ýálı feısbýktegi paraqshasynda jazdy dep habarlaıdy "Adyrna" ulttyq portaly. 

"Memleket basshysy Qasym-Jomart Toqaev zeınetaqy jınaqtarynyń shekti mejesin kóterý týraly sheshimge qatysty kópshiliktiń ótinishine qulaq asty. Shekti meje kelesi jyldan bastap eń tómengi jalaqynyń ósýine baılanysty kóteriledi. Zeınetaqy júıesiniń negizgi mindeti – azamattardy zeınetke shyqqannan keıin qajetti jetkilikti tabyspen qamtamasyz etý. Sondyqtan zeınetaqy jınaqtarynyń shekti mejesin kóterý jónindegi sheshim – negizinen osy baǵyttaǵy durys qadam.

Sonymen qatar Memleket basshysy zeınetaqy qoryndaǵy shekti mejeden asqan qarjysyn paıdalanyp úlgermegen azamattardy qoldap, Úkimetke burynǵy shekti mejeni kóterý merzimin 2022 jyldyń 1 sáýirine deıin uzartýdy tapsyrdy", – dep jazdy ol.
"Adyrna" ulttyq portaly. 
Pikirler