Şymkent qalasynda «TopSeller of Chemical Products» JŞS 2019 jyldan berı Delix sauda belgısımen üige arnalǧan tūrmystyq himiia, Mey sauda belgısımen kosmetika jäne jeke gigiena önımderın öndıredı.
Kompaniia önımderın öndırudegı negızgı maqsat - assortimenttı ünemı keŋeitu jäne jaŋartu, aǧymdaǧy naryqtyq ideialardy jüzege asyru, önımdı synau, baǧa men sapanyŋ eŋ jaqsy üilesımın qalyptastyru.
2021 jyldyŋ köktemınde kompaniia Almaty qalasynda, al küzde Oral qalasynda qosymşa seh aşyp, käsıporyn otandyq tauar öndıruşılerdıŋ tızımıne endı. Sondai-aq, himiialyq önımderdıŋ TopSeller önerkäsıptık käsıporyndar arasynda ötken III Respublikalyq «Jasyl keŋse-2021» baiqauynda «Qaraşyǧanaq Petroleum Opereiting B.V», «Euraziialyq energetikalyq korporasiiasy» AQ, «Qazaqstan aliuminiiı» AQ jäne «Recycling Company» JŞS-men bırge jeŋımpaz atandy.
«TopSeller of Chemical Products» JŞS qanşama jyldyq eŋbegı üşın Nūr-Sūltandaǧy EQYŪ Baǧdarlamalar keŋsesı, Qazaqstan Respublikasy ekologiia, geologiia jäne tabiǧi resurstar ministrlıgı, Qazaqstan Respublikasynyŋ industriia jäne infraqūrylymdyq damu ministrı, Türkıstan qalasynyŋ äkımı, Maqtaaral audanynyŋ äkımı, Tülkıbas audanynyŋ äkımı, Jetısai audanynyŋ äkımı, Qazaqstan şahmat federasiiasy jäne t.b. alǧys hattar men türlı sertifikattarmen marapattalǧan.
Sonymen qatar, käsıporyn 2020 jyldan bastap bırneşe futbol klubtary men şahmat turnilerıne qoldau tanytyp keledı.
Şymkent qalasynyŋ Aqparattyq-kommunikasiialyq ortalyǧy
