Shymkent qalasy ákiminiń buqaralyq sportty damytý jáne jastardy salaýatty ómir saltyna baýlý jónindegi tapsyrmasy boıynsha Eńbekshi aýdanynda bıyl 18 sport alańshasy paıdalanýǵa berildi.
Turǵyndar ıgiligi úshin salynǵan alańshalardyń 16-sy bıýdjetten qaralsa, 2-i demeýshiler esebinen salynǵan.
Sport alańshanyń 6-y shalǵaı eldi mekende, 4-eýi jeke sektorda jáne 8 alańsha kópqabatty turǵyn úılerdiń aýlasynda ornalasqan.
Aýdanda taǵy bir sport alańshasy paıdalanýǵa berilip otyr.
Qarabastaý turǵyn alabynyń jańaqurylys aımaǵynda ornalasqan kópsalaly sport alańshasynda kishi fýtbol, voleıbol jáne basketbol oınaýǵa múmkindik bar. Odan bólek, «Street workout» pen trenajer elementteri de jasaqtalǵan.
Shymkent qalasy ákimdiginiń baspasóz qyzmeti
