Táýelsizdiktiń 30 jyldyǵyna oraı Shymkent qalasynyń 1000-ǵa jýyq azamaty shıpajaıda tegin emdeldi

211

Táýelsizdiktiń 30 jyldyǵyna oraı Shymkent qalasynyń 1000-ǵa jýyq azamaty jyl basynan beri elimizdiń túrli shıpajaılarynda tegin emdeldi. Onyń ishinde 736 joldama zeınet jasyndaǵylarǵa, 393 joldama múgedektigi bar azamattarǵa berilgen.  

Búginde taǵy 4 myńǵa jýyq múmkindigi shekteýli azamattarǵa joldama berý josparlanýda. Bul týraly qalalyq jumyspen qamtý jáne áleýmettik qorǵaý basqarmasy málimdedi.
Bıyl qańtar aıynan bastap «Áleýmettik portal» arqyly múgedektigi bar azamattar úıinde otyryp-aq óz tańdaýy boıynsha qalaǵan shıpajaıyna tegin joldama ala alady. Aıta keteıik, múgedek azamattyń jeke ońaltý baǵdarlamasynda sanatorlyq-kýrorttyq emdelý bolǵan jaǵdaıda ǵana 14 kún tegin em qabyldaıdy. 
Basqarmanyń málimetinshe, Uly Otan soǵysy ardagerlerine jáne olarǵa teńestirilgen azamattarǵa, tyl ardagerlerine, zeınet jasyndaǵy «Altyn alqa», «Kúmis alqa» ıeleri shıpajaıda qyzmet túrin 100 paıyz tegin alady. Al zeınet jasyndaǵy azamattarǵa joldama qunynyń 50  paıyzyn tóleýmen beriledi. Iaǵnı, memleket tarapynan 6 kún tegin qyzmet alyp, unaǵan jaǵdaıda qalǵan  6 kúnniń aqysyn óz qaltasynan tólep shıpajaıda qalsa bolady. 
Bıyl Shymkent qalasynda ornalasqan «Densaýlyq» shıpajaıy men Túlkibas aýdanyndaǵy «Aqsý-Jabaǵyly» jáne Taraz qalasyndaǵy «Aısha bıbi» shıpajaılary qyzmet kórsetýde. Shıpajaılardaǵy em-dom jumystary memlekettik tapsyrys aıasynda júzege asyrylady. Ol úshin qalalyq jumyspen qamtý jáne áleýmettik qorǵaý basqarmasyna, S.Báıterekov kóshesi 89, mekenjaıy boıynsha ótinim qaldyrý kerek. Joldama kezek boıynsha taratylady. Kezekke turý úshin jeke kýáligi men 068 nysanyndaǵy anyqtama qajet.
Pikirler
Redakııa tańdaýy