«SHANYRAQ» Otbasy ınstıtýty ortalyǵynda mamyr aıynan bastap jas analarǵa qoldaý kórsetý maqsatynda massaj jasaý boıynsha tegin kýrstar uıymdastyryldy. Sonymen birge, kýrsta balalarǵa arnalǵan massajdyń ereksheligi men bala densaýlyna ákeletin paıdasy týraly baıandalyp, qyr-syry túsindirildi.
Laýra Kudaıbergenova- «Merýert» oqý ortalyǵynyń bilikti massaj mamany. Ol 25 kún aralyǵynda 10 anany oqytyp, 36 saǵattyq kýrs ótkizdi. Kýrstyń alǵashqy túlekterine massajıst sertıfıkattary tabystaldy. Óz sábılerine massaj jasaýdy úırengen qyz-kelinshekter sertıfıkat arqyly aldaǵy ýaqytta óz kásibin bastaýyna da múmkindik alady.
-Ortalyqta analardy qoldaý maqsatynda túrli tegin kýrstar ótkizýdi qolǵa aldyq jáne qysqa ýaqyt ishinde jetistikterge jetip, analardyń alǵystaryn alýdamyz. Oqý kýrsynan ótken barlyq analardyń óz kásibin damytyp, jetistikterge jete berýine tilektespiz», - dedi «Shanyraq» ortalyǵynyń meńgerýshisi Abıbýlla Qalymbet.
"Adyrna" ulttyq portaly.
