Shymkentte 5 kóshede oń jaq ótkel jumystary aıaqtaldy

1883
Adyrna.kz Telegram

Shymkent qalasynda kólik keptelisin boldyrmaý maqsatynda kóshelerdiń qıylysyna oń jaq ótkelin salý jumysy qarqyn alǵan. Qalada oń jaq ótkelderdiń jalpy qajettiligi – 45 oryn bolsa, 2021 jyldyń jospary boıynsha 8 kóshedegi 10 orynǵa oń jaq ótkel salynýda.

Atap aıtqanda, Sypyrǵan ata – Ál-Farabı, Sypyrǵan ata –Temirlan tas jolynyń qıylysy, Rysqulov–Adyrbekov, Arǵynbekov–Ótegenov, Rysqulov–Shaıahmetov, Rysqulov –Qazıev, Shaıahmetov–Arǵynbekov jáne Arǵynbekov–Baıterekov kósheleriniń qıylysyndaǵy qurylysty 3 merdiger mekeme jumys júrgizýde.

Qazirgi ýaqytta oń jaq ótkelderdiń Sypyrǵan ata–Temirlan tas jolynyń, Arǵynbekov–Ótegenov, Rysqulov–Shaıahmetov, Rysqulov–Qazıev, Shaıahmetov–Arǵynbekov qıylysyndaǵy bólikteri tolyq aıaqtalyp, jol belgileri ornatyldy.

Atalǵan kóshelerde jumys bitken soń 60 jol belgisi ornatylady. Osy jyldyń sáýir aıynda bastalǵan oń jaq ótkelderdiń qurylys jumystaryn jyl sońynda aıaqtaý josparlanǵan.

Shymkent qalasy ákimdiginiń baspasóz qyzmeti

Pikirler