Reseıdiń Memlekettik Dýman spıkeri Vıacheslav Volodın 5 jeltoqsanda óziniń Telegram-arnasynda KSRO-nyń ydyraýynyń sebepteri týraly saýalnama jarııalady. Saıasatkerdiń óz oıynsha, Keńes Odaǵynyń ydyraýy el turǵyndary úshin uly tragedııa, óıtkeni «burynǵy ýaqytta qorǵalǵan, salynǵan jáne jasalǵannyń bári kúıregen».
«Búginge deıin KSRO-nyń ydyraýyna qatysty neshe túrli pikirler aıtylyp keledi», - deıdi. Volodın óz arnasyndaǵy daýys berýshiler úshin bes jaýap nusqasynyń birin tańdaýǵa shaqyrdy. Nusqalar kelesideı edi: el basshylyǵynyń álsizdigi, partııalyq elıtanyń satqyndyǵy, dúkenderdegi bos sóreler (tapshylyq), saıasatta básekelestiktiń joqtyǵy - bir partııanyń bıligine monopolııa (Kommýnıstik partııa) jáne sheteldik aralasý.
Saýalnamaǵa 11 myńnan astam adam jaýap berip úlgerdi. Qoldanýshylardyń 54%-y elıtanyń satqyndyǵyn, 23%-y – sheteldik aralasýdy, 12%-y – álsiz basshylyqty, 10%-y – úkimette básekelestiktiń joqtyǵyn, 1%-y dúkenderdegi bos sórelerdi (tapshylyq) tańdaǵan.
Saıasatker jazbaǵa tpikir bildirýdi ashyq qaldyryp, 1,9 myńnan astam adam pikir bildiripti.
"Adyrna" ulttyq portaly