Búgin, 3 jeltoqsanda Qazaqstan Respýblıkasynyń Memlekettik hatshysy Qyrymbek Kósherbaev jáne Qyrǵyz Respýblıkasynyń Memlekettik hatshysy Súıúnbek Kasmambetov qyrǵyz halqynyń kórnekti memleket jáne qoǵam qaıratkeri Júsip Abdrahmanovtyń týǵanyna 120 jyl tolýyna jáne Qyrǵyz Respýblıkasynyń qurylýyna qatysty arhıv qujattary men tarıhı fotosýretterden arnaıy uıymdastyrylǵan kórmeni tamashalady.
«Qazaq-qyrǵyz – Alashtan» atty halyqaralyq ǵylymı-praktıkalyq konferenııa aıasynda Halyqaralyq Túrki akademııasy men Qazaqstan Respýblıkasy Ortalyq memlekettik arhıvi birlesip ótkizgen tanymdyq sharaǵa eki eldiń Memlekettik hatshylarymen birge, Qyrǵyz Respýblıkasy Prezıdentiniń keńesshisi Arslan Koıchıev, Qazaqstan Respýblıkasynyń Mádenıet jáne sport mınıstri Aqtoty Raıymqulova, Qyrǵyz Respýblıkasynyń mádenıet, aqparat jáne týrızm mınıstri Azamat Jamankýlov, Halyqaralyq Túrki akademııasynyń prezıdenti Darhan Qydyráli, Ál-Farabı atyndaǵy Qazaq ulttyq ýnıversıtetiniń rektory Janseıit Túımebaev, Qyrǵyz Respýblıkasy Jogorký Keneshiniń depýtaty Kanybek Imanalıev, QR UǴA akademıgi, Qazaqstan tarıhshylar qaýymdastyǵynyń tóraǵasy Mámbet Qoıgeldıev, belgili qyrǵyz tarıhshysy, memleket jáne qoǵam qaıratkeri Zaınıdın Kýrmanov, sondaı-aq bir týǵan eki eldiń zııaly qaýym ókilderi men tanymal ǵalymdar qatysty.
Kórmege Qazaqstan Respýblıkasy Ortalyq memlekettik arhıvi, Qazaqstan Respýblıkasy Prezıdenti arhıvi jáne Kınofoto jáne dybys jazbalary arhıvi qorlaryndaǵy materıaldar qoıyldy.
Ekspozıııalar qyrǵyz halqynyń kórnekti perzenti Júsip Abdrahmanovtyń ómiri men qyzmetin, qazaq qaıratkerlerimen qarym-qatynasyn, Orta Azııadaǵy baýyrlas elderdiń ulttyq saıasatyn jáne taǵy da basqa taqyryptardy qamtyǵan.
