Qazaqstan halqy Assambleıasy Aqtóbe oblystyq fılıaly ǵımaratynda el táýelsizdiniń 30 jyldyǵyna arnalǵan «Qazaqstan — dostyq mekeni» atty saltanatty shara ótti.
Sharaǵa oblys ákimi Ońdasyn Orazalın, etnomádenı birlestikterdiń tóraǵalary men ókilderi, «Birlik» aqsaqaldar jáne Analar keńesiniń músheleri, «Jańǵyrý joly» oblystyq jastar shtabynyń jáne «Qoǵamdyq kelisim» mekemesiniń mamandary qatysty.
Kesh Qazaqstan halqy Assambleıasynyń «Beıbitshilik pen kelisimniń 30 jyly» halyqtyq teleekspedıııasy» jobasy aıasynda túsirilgen el táýelsizdiginiń 30 jyldyǵyna arnalǵan «Beıbitshilik pen kelisimniń 30 jyly» atty fılmniń tusaýkeserimen bastaldy.
Budan keıin sharada oblys ákimi Ońdasyn Orazalın jınalǵandardy táýelsizdiktiń 30 jyldyq mereıtoıymen quttyqtady.
— Bıyl Qazaqstannyń derbes el bolǵanyna otyz jyl tolyp otyr. Qazaqsha aıtqanda, elimiz orda buzar jasqa keldi. Osynaý otyz jyl ishinde egemendi elimiz damyp, búginde beıbitshilik elshisi retinde dúnıe júzine tanyldy. Táýelsizdik Qazaqstannyń irgetasyn qalap, qabyrǵasyn qalyptastyrý, shańyraǵyn kóterý Tuńǵysh Prezıdentimiz Nursultan Nazarbaevtyń eren eńbegi desek, sol shańyraqtyń shaıqalmaı, bosaǵasy berik, keregesi keń bolýyna ózderińizdiń qosqan úlesterińiz zor. Óıtkeni qazaq eli búginde bir shańyraqtyń astyndaǵy túrli etnos ókilderiniń dostyǵy men ózara yntymaqtastyǵynyń álem moıyndaǵan teńdesi joq sımvolyna aınaldy. Tipti, búgingi kúni elimizde etnosaralyq kelisimniń, konfessııaaralyq birliktiń berik negizi qalandy dep aıtsaq ta artyq bolmaıdy. Qazirgi tańda Aqtóbe oblysynda 90-nan astam ózge ult ókili beıbitshilik pen kelisimde ómir súrip jatyr. Oblystyq Assambleıa jumysy etnosaralyq jáne konfessııaaralyq dıalog, qoǵamdyq kelisim men halyq birligine negiz bolýda. Al munyń bárine atsalysyp júrgen ózińizsizder. Mine, búgin osynaý aıtýly mereıtoıdyń qarsańynda sizdermen birge «Beıbitshilik pen kelisimniń 30 jyly» teleekspedıııasy» jobasyna kýá bolyp otyrmyz. Sondyqtan búgingi keshte barshańyzdy el táýelsizdiginiń 30 jyldyǵymen quttyqtaı otyryp, barshańyzǵa baqyt pen bereke, yntymaq pen tatýlyq tileımin. Táýelsizdigimizdiń tuǵyry bıik, elimiz aman, jurtymyz tynysh bolsyn! — dedi O.Orazalın.
Quttyqtaý sózinen keıin oblys ákimi jyl qorytyndysy boıynsha birlik pen beıbitshiliktiń, toleranttylyq pen kelisimniń nyǵaıýyna qosqan úlesi úshin oblystaǵy etnomádenı birlestikterdi Alǵys hattarmen marapattap, syı-qurmet kórsetti.
Sharada Aqtóbe qalasynda turatyn ınternaıonal otbasylar men Táýelsizdik qurdastary óz quttyqtaýlaryn joldap, etnobirlestik ókilderi konerttik baǵdarlama usyndy.
«Adyrna» ulttyq portaly.
