Orta salmaqtaǵy IBF jáne IBO boıynsha álem chempıony qazaqstandyq Gennadıı Golovkın óziniń burynǵy qarsylasy meksıkalyq Saýl Kanelo Alvarestiń salmaq dárejelerin únemi ózgertip otyrǵanyna qatysty pikir bildirdi, - dep habarlaıdy "Adyrna" ulttyq portaly Vesti.kz saıtyna silteme jasap.
Golovkın dál osyndaı jolmen Kanelonyń úshinshi jekpe-jekten qashqaqtaıtynyn joqqa shyǵarmady. Jaqynda meksıkalyq ekinshi orta salmaqtaǵy absolıýtti chempıon atandy, sonymen qatar, ol jeńil salmaqtaǵy ataqty jeńip aldy, endi aýyr dıvızıonǵa kóterilýdi josparlady.
"Salmaq dárejelerin aýystyrýdyń basty sebebi osy degim kelmeıdi. Biraq bul dálel negizsiz bolmaýy múmkin. Jasyratyny joq, DAZN-niń aldynda belgili bir mindettemeleri bolǵanyna qaramastan, ol basqa jolmen júrdi, úshinshi jekpe-jekti ótkizgisi kelmedi. Munyń bári, qashqysy keletinin kórsetýi múmkin", - dep keltirdi El Paso Times basylymy Golovkınniń sózin.
Eske salaıyq, Golovkın men Kanelo eki ret kezdesti. Birinshisi 2017 jyldyń qyrkúıeginde daýly túrde teń nátıjemen aıaqtaldy, al bir jyldan keıin tóreshiler kópshilik sheshimimen jeńisti meksıkalyqqa berdi.
"Adyrna" ulttyq portaly
