PSJ men Argentına quramasynyń shabýylshysy Lıonel Messı osymen jetinshi ret«Altyn dop» ıegeri atandy, dep habarlaıdy "Adyrna" ulttyq portaly.
«Bavarııanyń» shabýylshysy Robert Levandovskı fýtboldaǵy eń bedeldi jeke marapatqa daýys berýde ekinshi oryndy ıelendi. Úshinshi oryn – Londondyq «Chelsıden» Jorjınoǵa buıyrdy.
2019 jylǵy «Altyn doptyń» ıegeri de Messı bolatyn. 2020 jyly syılyq koronavırýstyq pandemııaǵa baılanysty berilmedi.
2021 jyly Messı Argentına quramasymen alǵash ret kýbok jeńip aldy - ulttyq quramanyń quramynda Amerıka kýbogynyń ıegeri atandy. Levandovskı «Bavarııa» sapynda Germanııa chempıony atandy jáne Býndeslıgada 41 gol soqty. Al Jorjıno Italııa quramasymen Eýropa chempıonatyn, «Chelsımen» Chempıondar lıgasyn jeńip aldy.
"Adyrna" ulttyq portaly
