"Barselonanyń" argentınalyq shabýylshysy Lıonel Messı Brazılııa quramasynda álemniń úsh dúrkin chempıony bolǵan Peleniń bir klýb úshin soqqan goldarynyń sany boıynsha jetistigin jańartty, - dep habarlaıdy "Adyrna" ulttyq portaly RIA Novostı-ge silteme jasap.
Messı Ispanııa chempıonatynyń 15-týrynda "Valıadolıdaǵa" qarsy oıynnyń 65-mınýtynda esepti 3:0-ge jetkizdi. Bul osy oıyndaǵy sońǵy gol boldy. Endi 33 jastaǵy argentınalyq fýtbolshynyń "Barselona" úshin soqqan goly 644-ke jetti. Bul - jańa rekord.
Messı 2004 jyldan beri "Barselona" sapynda.
Pele "Santos" klýbynda 1956-1974 jyldar aralyǵynda oınap, 643 gol soqqan bolatyn.
Osyǵan baılanysty Pele áleýmettik jeli arqyly Messıdi quttyqtap, bir komanda sapynda uzaq jyl oınap, rekord jasaıtyndar qatary sıreı beretinin atap ótti.