Ólgen saıasatker Úndistannyń Bıhar shtatyndaǵy aýylda ótken jergilikti saılaýda jeńiske jetti, jergilikti turǵyndar onyń sońǵy tilegin oryndaý úshin marqumǵa daýys berýge sheshim qabyldady, dep habarlaıdy "Adyrna" ulttyq portaly jergilikti NDTV telearnasyna silteme jasap.
Telearnanyń habarlaýynsha, 24 qarashada ótken saılaý qorytyndysy shyǵarylǵan kúni jeńimpazdardyń birin esh jerden taba almaǵan, keıinirek onyń 6 qarashada qaıtys bolǵany belgili bolǵan.
Marqum Sohan Mýrmýdyń otbasy saılaýdaǵy jeńis onyń sońǵy tilegi ekenin, aýyl turǵyndary marqumnyń sońǵy tilegin qurmetteý úshin oǵan daýys bergenin aıtty. Jergilikti bılik ókili jańa saılaý ótkizý kerektigin málimdedi.
"Adyrna" ulttyq portaly
