Qazaq taǧamtanu akademiiasynyŋ prezidentı, medisina ǧylymdarynyŋ doktory Töregeldı Şarmanov özınıŋ feisbuk paraqşasynda artyq salmaq pen dūrys tamaqtanuǧa qatysty pıkır bıldırdı dep habarlaidy "Adyrna" ūlttyq portaly.
Ǧalym: "Bızde semız kısıler köbeiıp barady. Semırudıŋ negızınde energetikalyq disbalans jatyr. Jaqsy tamaqtanudy köp tamaqtanumen şatastyrmau kerek. "Jaqsy tamaq qalǧanşa jaman qaryn jarylsyn" degendei mätelder joqşylyq kezde şyqqan. Artyq salmaqtyŋ auru ekenın bärımız bırdei tüsıne qoiǧan joqpyz. Qaryn ūzarǧan saiyn ömır qysqara beredı dep kesıp aitpaimyn. Ärkımnıŋ dene tūrqyna qarai ärqily et bıte beredı, äitse de semıruden saqtanu kerek. Mūny adamdar erteden-aq bılgen. Mysaly, Spartada jas jıgıtter semıre bastasa qaladan quylatyn bolǧan", — dep jazdy.Aita ketu kerek, 91 jastaǧy akademik özınıŋ paraqşasynda oqyrmandar üşın ünemı paidaly mälımetter jazyp, keŋester aityp otyrady.
"Adyrna" ūlttyq portaly.
