Máskeýdegi presnen soty blogerler Ramır Hasanov, Aıdyn Túsipov, Ersin Dúmshebaıdy 3 jyl 6 aı merzimine bas bostandyǵynan aıyrý týraly sheshim qabyldady, dep habarlaıdy “Adyrna” ulttyq portaly.
“Sot sheshimimen aıyptalýshylar 3 jyl 6 aı merzimine bas bostandyǵynan aıyryldy jáne sot zalynda qamaýǵa alyndy", - delingen Máskeý prokýratýrasynyń habarlamasynda.
Stan.kz saıtynyń málimetinshe, oqıǵa naýryz aıynda bolǵan. Úsh bloger Presnen jaǵalaýyna bıznes-klasyndaǵy taksı shaqyryp, prank jasamaqshy bolǵan. BMW júrgizýshisi jolaýshylardyń ótinishimen zattardy júksalǵyshqa salyp jatqanda, blogerlerdiń bireýi rólge otyryp, kólikti urlap ketken. Olar munyń barlyǵyn vıdeoǵa túsirip alǵan.
Keıinirek kináliler júrgizýshige kelip, jaǵdaıdy túsindirgen. Alaıda polıııada kólik urlaý babymen qylmystyq is qozǵalyp, jas jigitter qamaýǵa alynǵan edi.
“Adyrna” ulttyq portaly
