Reseıdiń Kemerov oblysyndaǵy «Lıstvıajnaıa» shahtasynda órt saldarynan 11 adam qaza tapty, dep habarlaıdy «Adyrna» tilshisi.
Qazirgi tańda taǵy 36 kenshi izdestirilip jatyr. Tótenshe jaǵdaılar qyzmetiniń habarlaýynsha, jergilikti ýaqyt boıynsha tańǵy saǵat 9-da belgisiz sebeptermen shahtanyń jeldetkish qýaqazynda kómir shańy janyp, nátıjesinde tútin paıda bolǵan. Jer astynda bolǵan 285 kenshiniń 235-ten astamy syrtqa shyǵyp úlgergen.
Reseı TJM Kemerovo oblysyna dárigerler, psıhologtar jáne jumys toby bar ushaq jiberdi. TJM basshysynyń mindetin ýaqytsha atqarýshy Aleksandr Chýprııannyń aıtýynsha, TJ ornynan 44 shahter aýrýhanaǵa jatqyzylǵan, olardyń tórteýi aýyr halde.
Aıta keteıik, Tergeý komıteti "Qaýipti óndiristik nysandardyń ónerkásiptik qaýipsizdik talaptaryn buzyp, abaısyzda adam ólimine ákep soqtyrdy" degen kúdikpen qylmystyq is qozǵady.
«Adyrna» ulttyq portaly
