Shymkent qalasynyń ákimi Murat Áıtenov QR UEM Tabıǵı monopolııalardy retteý komıtetiniń Shymkent qalasy fılıaly departamentiniń basshysyn qabyldap, saladaǵy ózekti máselelerdi talqylady.
Departament basshysy tarıfterdi turaqtandyrý boıynsha jartyjyldyqta atqarylǵan jumys jóninde baıandady. Onyń aıtýynsha, Shymkent qalasynda 75 qyzmet túri boıynsha 59 tabıǵı monopolııa sýbektisi engizilgen. Olar elektr energııasyn jáne gaz tasymaldaý, jylýmen qamtamasyz etý, sýmen jabdyqtaý jáne sý burý qyzmeti, kirme joldary baǵytynda jumys jasaıdy.
2019 jyldan bastap keıbir kommýnaldyq tarıfterdiń tómendeýi baıqalady. Jylýmen jabdyqtaý 2018 jyly 142,31 tg bolsa, sońǵy úsh jylda 110,78 tg bolyp turaqtalǵan. Sýmen jabdyqtaý 97,97 tg bolsa, qazir 88,17 tg. Sýdy burý 39,03 teńgeden 35,13 teńgege túsken. Gazben jadyqtaý úsh jyl aldyn 34,47 tg, qazir 31,59 tg bolǵan. 2019-2021 j. kommýnaldyq tarıfterdi tómendeýi nátıjesinde tutynýshylardyń únemdelgen qarjylary 9,76 mlrd.teńge qurap, turǵyndarǵa keri qaıtarylǵan.
Osy jarty jyldyqta turǵyndardyń aryzdary boıynsha jospardan tys 10 tekserý jumystary júrgizilgen. "Nátıjesinde 51 nusqama engizilip, 23 ákimshilik quqyqbuzýshylyq qozǵalǵan. Olarǵa 41,9 mln.tg. aıyppul salynyp, tutynýshylardan artyq alynǵan 3,39 mln.teńge tolyq qaıtaryldy" deıdi sala basshysy.
«Tabıǵı monopolııa týraly» QR Zańǵa sáıkes, tarıf bes jáne odan kóp jyl merzimge belgilenedi. Osyǵan oraı bekitilgen tarıfterdiń merzimi bitýine baılanysty – 3 tabıǵı monopolııanyń 2021-2026 jyldarǵa jańa tarıfteri bekitilgenin jetkizdi. Departament tarapynan 2019 jyldan beri 1 mıllıonnan asa adamnyń quqyǵy qorǵalǵan.
Departament jumysyna qanyqqan Shymkent ákimi monopolıst mekemelermen kelissózder júrgizip, baǵa turaqtylyǵyn saqtaýdy jáne olarǵa baqylaýdy kúsheıtýdi tapsyrdy. «Aıkómek-109» ortalyǵyna kelip túsetin aryz-shaǵymdardyń basym bóligi de osy kommýnaldyq qyzmetke qatysty bolǵandyqtan, sapaly qyzmet kórsetýge barynsha nazar aýdarý qajettigin aıtty.
