Sáýle Omarova komsomoldan ketken joq! - Reseı saıasattanýshylary

4589

«Rossııa 1» arnasynyń efırinde Sáýle Omarovany jergilikti sarapshylar men saıasattanýshylar maqtap, «Amerıkany basyp alýǵa batyl qadam jasaǵan bizdiń keńestik qyzymyz» dep atady. Bul týraly "Adyrna" ulttyq portaly habarlaıdy.

– Senator joldas Omarovadan jaýap aldy. Sáýle komsomoldan ketken joq. Janynyń túbinde ol áli de KSRO-da keńestik dástúr boıynsha ósken keńestik adam. Bilimi úzdik bolyp, Máskeý memlekettik ýnıversıtetinde oqyǵan. Biz qazirdiń ózinde AQSh-tyń júregine enip aldyq! – dep málimdedi «Naıonalnaıa oborona» jýrnalynyń bas redaktory Igor Korotchenko.

Keıinirek ol Omarovanyń amerıkandyq qarjy júıesine tereń enýi – reseılik arnaıy barlaý qyzmetiniń úlken jetistigi ekenin aıtty.

– Bizdiń barlaý keremet jumys isteıdi. Biz bilmeımiz, múmkin bizdiń komsomoldy alǵa tartyp otyrǵan AQSh prezıdenti «joldas Baıden?» emes pe, – dedi Reseı Federaııasynda ózin jetekshi áskerı sarapshysy dep sanaıtyn Korotchenko.

Júrgizýshi Olga Skabeeva amerıkandyq senatorlar Saýleden jaýap alýǵa jetkilikti daıyn emes ekenin jáne onda «qabiletsiz adamdar» jumys isteıtinin aıtty.

Eske sale keteıik, 18 qarasha kúni AQSh Senatynda prezıdent Djo Baıden usynǵan amerıkalyq bank retteýshisiniń joǵary laýazymyna úmitker, etnıkalyq qazaq Sáýle Omarova sóz sóıledi. Omarova ótken ómirin aqtap, tipti kommýnıst emestigin de jarııalaýǵa májbúr boldy. Sáýle Omarova otbasy músheleriniń birin Iosıf Stalın basqaratyn kommýnıstik partııa óltirgenin, al ájesi eki ret ólimnen aman qalǵanyn aıtyp, tarıhty este saqtaıtynyn jáne amerıkandyq ekenin maqtan tutatynyn, memlekettik qyzmetke daıyn ekenin aıtty.

"Adyrna" ulttyq portaly

Pikirler
Redakııa tańdaýy