Türkıstan oblysy men Şymkent bırtūtas turistık baǧyt retınde damytylmaq

Türkıstan oblysy men Şymkent qalasynyŋ turizm basqarmalarynyŋ basşylary Öŋırlık kommunikasiialar qyzmetınıŋ alaŋynda özara memorandumǧa qol qoiyp, ekı jaqty kelısımge keldı, dep habarlaidy QazAqparat öŋır basşysynyŋ baspasöz qyzmetıne sılteme jasap. Mūndaǧy maqsat - Türkıstan oblysy men Şymkent qalasyn bırtūtas turistık baǧyt retınde odan ärı damytu. Qol qoiu räsımınde oblystyq turizm basqarmasynyŋ basşysy Gulmira Ahberdieva ekı aimaqtyŋ erekşelıkterı men turistık äleuetın paidalana otyryp, bolaşaqta türlı baǧyttaǧy turisterdı tartudyŋ ırı ortalyqtarynyŋ bırıne ainalatynyna senım bıldırdı. «Öŋırlerde turizmnıŋ tarihi-mädeni, ekologiialyq, ekstremaldy, gastronomiialyq jäne basqa da türlerın damytuǧa zor mümkındık bar. Qarapaiym mysaly, Q.A.Iаsaui kesenesıne mınäjat etu tury Şymkent qalasynyŋ aumaǧynda ornalasqan ataqty sopynyŋ ata-anasy - İbragim ata men Qaraşaş ana kesenelerıne barudan bastalady. Iаǧni, Türkıstan men Şymkenttı qai jaǧynan alyp qarasaŋyz da bölıp qarauǧa kelmeitın ortaq dünielerge bai. Osy rette bügıngı ekı jaqty memorandum aldaǧy uaqytta özınıŋ jemısın berıp, sättı jobalardy jüzege asyruǧa sep bolady degen senım bar», – dedı G. Ahberdieva.