Shymkentte kezekti «Mektepke jol » qaıyrymdylyq akııasy ótti. «Nur Otan» partııasynyń qalalyq fılıaly men Mobıl plıýs kómek qaıyrymdylyq qorynyń bastamasymen uıymdastyrylǵan shara barysynda kómekke muqtaj otbasyndaǵy 51 balaǵa oqý quraldary bar smartrıýkzaktar tabys etildi.
Budan bólek, kópbalaly otbasy balalaryna mektep formasy tartý etildi. Al karantınge baılanysty 50-ge jýyq balaǵa mektep sómkeleri men oqý quraldary úılerine jetkiziledi.
Gúljan Sadybekova, kópbalaly ana: «Zabadam» eldimekeninde bes bólimeli jer úıge 3 kún boldy kóship barǵanymyzǵa. Taǵy balalaryma mynadaı kómek kórsetilip jatyr. Túgel oqý quraldarymen rıýkzak berdi. Qınalyp júrgende, bul bizdiń otbasymyz úshin ulken kómek boldy. Alla razy bolsyn».
Mobil Plus Kómek qaıyrymdylyq qory 6 jyl qatarynan kópbalaly, az qamtylǵan otbasyndaǵy balalardy mektepke daıyndaýdy dástúrge aınaldyrǵan. «Mektepke jol» akııasy barysynda balalarǵa tartý etilgen smartrıýkzaktarda qýattaǵysh qurylǵysy, dápter, qalamsap, oqýǵa kerek barlyq zattar jınaqtalǵan. Karantınge baılanysty taǵy 50-ge jýyq oqýshyǵa dál osyndaı jıyntyqtar úılerine jetkiziledi.
Nargıza Kerımbaeva, Shymkent qalalyq máslıhatynyń depýtaty, Mobil Plus Kómek qaıyrymdylyq qorynyń prezıdenti: «Bizdiń qaıyrymdylyq qory qamqorlyqqa alǵan patronattyq otbasylary «Zelenaıa balka», Zabadam, Chapaevka turǵyn alaptarynda turady. Búgin múmkindigimizshe jáne epıdahýalǵa baılanysty birqatar otbasylarynyń basyn qosyp otyrmyz. Eń bastysy, jańa oqý jylynda ata-analarǵa da, balalarǵa da tózimdilik, myqty densaýlyq tileımiz. Qıyn jaǵdaıǵa qaramastan árbir otbasy baqytty bolsyn. Mektepke aq jol tileımiz».
Qaıyrymdylyq akııasy barysynda kópbalaly analardyń taǵy bir ótinishi oryndaldy. Mobil Plus Kómek qorynyń ókilderi qoldaýdy qajet etetin otbasylardaǵy balalarǵa mektep formalaryn satyp alyp, tartý etti.
