Bul jaıynda Túrkistan oblysy Polıııa departamenti bastyǵynyń birinshi orynbasary polıııa polkovnıgi Abdýǵanı Seıdýalıev QR IIM-niń tapsyrmasyna sáıkes ótkizilgen brıfıngte aıtyp ótti.
Atalǵan shara Túrkistan oblysy Polıııa departamentiniń «ınstagram» jáne «feısbýk» resmı paraqshasynda ótkizildi. Brıfıngtiń taqyryby «Balalardyń joldaǵy qaýipsizdigi» týraly bolǵandyqtan, suhbat Túrkistan oblysy boıynsha kámelet jasyna tolmaǵandardyń qatysýymen bolatyn jol-kólik oqıǵalarynyń aldyn alý, boldyrmaýǵa, bala qaýipsizdigi boıynsha ata-ananyń róli men mindetine, ondaǵy eskerer mańyzdy jaıttarǵa arnaldy.
Polıııa polkovnıgi A. Seıdýalıev óz sózinde: «Oqý jylynyń bastalýyna az ýaqyt qaldy, osyǵan baılanysty tamyz aıynyń 1-i men 10-y kúnderi aralyǵynda ákimshilik Polıııa basqarmasynyń jol-tehnıkalyq ınspekııasynyń qyzmetkerlerimen jol boıyna jaqyn ornalasqan mektepterge zerdeleý jumystary júrgizildi. Tekserý barysynda anyqtalǵan kemshilikter boıynsha tıisti mekemelerge kemshilikterdi joıý boıynsha 726 usynys engizildi, jańadan 79 orta bilim berý oryndary aldyna jasandy jol kedergileri ornatyldy. Odan bólek balalardyń jol-kólik jaraqaty máselesine jurtshylyq nazaryn aýdarý úshin «Abaılańyz, jaıaý júrginshi», «Qaýipsiz jol», «Avtobýs» sekildi túrli jedel-profılaktıkalyq is-sharalar júıeli túrde ótkizilýde.
Osy tusta oblystaǵy barlyq ata-analarǵa balalaryńyzdy jolda qaraýsyz qaldyrmańyzdar, olardy barynsha qadaǵalap, úlgi bolyńyzdar degim keledi. Iaǵnı ózińizden bastap, jol qozǵalysy erejesin saqtaýdy daǵdyǵa aınaldyryńyzdar. Bala kórgenin isteıtinin esten shyǵarmaıyq. Elimizdiń bolashaǵy – balalar desek, sol jetkinshek urpaqtyń joldaǵy qaýipsizdigine nemquraıly qaramaıyq!»,-dep atap ótti.
Osylaısha brıfıng barysynda oblys kóleminde atqarylyp jatqan tyndyrymdy tirlikter aıtyldy. Óz kezeginde jeli qoldanýshylary da jazbasha túrde saýaldaryn joldap, kókeıtesti suraqtaryna jaýap aldy.
Polıııa men halyq arasyndaǵy keri baılanysty nyǵaıtyp, ashyqtyqty qamtamasyz etý maqsatynda ótkizilgen bul brıfıng apta saıyn jalǵasyn tabatyn bolady.
