«Úzdik pedagog - 2021» baqaýynyń jeńimpazdary marapattaldy

1511
Adyrna.kz Telegram

Búgin Shymkent qalasynda «Ustazdar kúni» merekesine arnalǵan «Úzdik pedagog - 2021» baıqaýynyń jeńimpazdaryn marapattaý is-sharasy ótti.
Saltanatty jıynda Shymkent qalasy ákiminiń birinshi orynbasary Shyńǵys Muqan, qala máslıhatynyń hatshysy Bahadyr Narymbetov ustazdar qaýymyn kásibı merekemen quttyqtap, baıqaýda úzdik dep tanylǵan pedagogtardy marapattady.

2021 jyldyń 26-28 mamyr kúnderi pedagogterge arnalǵan "Úzdik pedagog" konkýrsynyń qalalyq kezeńi ótkizilgen bolatyn. Qorytyndyǵa sáıkes, «Úzdik pedagog» baıqaýynyń irikteý kezeńinde 21 ustaz jeńimpaz atandy. Úsh pedagog 27-29 qyrkúıek kúnderi Qostanaı qalasynda ótken respýblıkalyq konkýrsta úzdik dep tanyldy.

Shyńǵys Jumabekuly baıqaý jeńimpazdaryna Alǵys hat jáne qarjylaı sertıfıkatyn tabys etti.
– Memleket basshysy ustazdardyń aǵartýshylyq qyzmeti, jas býyndy tárbıeleý jolyndaǵy tynymsyz eńbegi qashanda joǵary baǵalanatynyn aıtty.
Táýelsizdiktiń 30 jylynda Shymkent qalasynyń bilim salasy qomaqty jetistikterge qol jetkizdi. Qalanyń bilim berý uıymdarynda 28 702 pedagog jumys isteıdi. Olardyń jalaqysy 2020-2021 jyldary 50%-ǵa artsa, 2022 jyly 25%-ǵa kóbeıedi.
Konkýrs qorytyndysy boıynsha jeńimpazdarǵa qalanyń "Úzdik pedagog" ataǵy berilip, aılyq eseptik kórsetkishtiń 300 eselengen (875100 teńge) mólsherinde syıaqy tólenedi. Respýblıkalyq konkýrstyń jeńimpazdary «Úzdik pedagog» ataǵymen marapattalyp, "Pedagog mártebesi týraly" Zańda kórsetilgen tártipte syıaqy tólenedi. Jeńisterińiz qutty bolsyn, ustazdar! Kásibı merekelerińizde mereılerińiz arta bersin!, - dedi qala ákiminiń birinshi orynbasary quttyqtaý sózinde.

Qala pedagogteri «Úzdik pedagog» ataǵyn berý qaǵıdalarynyń erekshelikteri boıynsha jyl boıy ádistemelik ortalyq qyzmetkerlerimen birlese júıeli túrde jumystar júrgizdi.

Baıqaýdyń qalalyq kezeńinde Jol-kólik, Saz, ındýstrıaldy-tehnıkalyq kolledjdiń, mektepterdiń jáne balabaqshalardyń ustazdary óz biliktiligin baıqatty.
Respýblıkalyq kezeńde №122 «Aqjar» jalpy orta mektebiniń tarıh páni muǵalimi Sh.Begmanova, M.H.Dýlatı atyndaǵy úsh tilde oqytatyn mamandandyrylǵan №8 gımnazııanyń matematıka páni muǵalimi T.Harchenko, №1 daryndy balalarǵa arnalǵan IT lıeı-ınternatynyń bıologııa páni muǵalimi Á.Turyshova jeńimpaz atandy.

Shymkent qalasy ákimdiginiń baspasóz qyzmeti

Pikirler