Búgin keshke «Shymqala» tarıhı-mádenı kesheniniń uıymdastyrýymen Qazaqstan Respýblıkasynyń Tuńǵysh Prezıdenti N.Á.Nazarbaevtyń «Uly dalanyń jeti qyry» baǵdarlamalyq maqalasy aıasynda «Babalar jolymen» taqyrybynda mádenı is-shara ótedi.
Elbasy óz maqalasynda uly dalanyń ótken tarıhyn jańǵyrtý jáne saqtaýdyń biregeı tujyrymdamasyn ult qundylyǵy retinde usynǵan bolatyn. Maqalanyń negizgi maqsaty ótkendi zerttep, zerdeleý. Ulttyq tarıhı jádigerlerdi álemdik deńgeıge shyǵaryp, brendke aınaldyrý. Osy qaǵıdany ustanǵan «Babalar jolymen» atty mádenı is-shara da qatysýshylar arnaıy ázirlengen danalyq sózderdi oqı otyryp, babalar beınesindegi keıipkerlermen tanysa alady. Sonymen qatar, «Shym qala» tarıhı-mádenı keshenindegi «Shahrıstan», «Shyǵys bazary», «Haýyz», «Jibek joly kerýeni» jáne «ıtadel» mýzeıine saıahat jasaıdy.
Uıymdastyrýshylardyń aıtýynsha baǵdarlama aıasynda ulttyq naqyshpen bezendirilgen sáki ústinde Shymkent qalasynyń panoramalyq kórinisimen fototúsirilim de jasalady. Sondaı-aq, kelýshiler LED ekrannan Táýelsizdik týraly jáne «Shymqala» tarıhı-mádenı kesheni týraly shaǵyn beınerolık pen «Ál-Farabı» anımaııalyq beınefılimin tamashalaıdy.
Taǵylymy mol is-sharany ótkizýdiń maqsaty jastarǵa qazaq tarıhynan maǵlumat bere otyryp, olardyń tanym kókjıegin keńeıtý. Sonymen qatar, jańa qazaqstandyq patrıotızmge baýlý. Mádenı baǵdarlama «Shymqala» tarıhı-mádenı kesheninde ótedi.
