Marafonǵa elimizdiń 30 qalasynan kelgen sportshylar men áýesqoılar qatysty

1674
Adyrna.kz Telegram

Shymkentte qalamyzdyń basty sporttyq jarysyna aınalǵan «Shymkent Marathon 2021» sporttyq is-shara ótti. Salaýatty ómir salty men buqaralyq sportty nasıhattaý maqsatyndaǵy bul shara el Táýelsizdiginiń 30 jyldyǵyna arnalyp otyr.

Megapolıste osymen besinshi jyl uıymdastyrylyp otyrǵan júgirý marafonyna Shymkent qalasynyń turǵyndarymen birge Qazaqstannyń 30 qalasynan kelgen sportshylar jáne áýesqoılar qatysty.

Jarysqa «Ashyq» júıesinde tirkeýden ótken qatysýshylar jiberildi.

Start «Naýryz» alańynan bastalyp, Báıdibek bı jáne Tólemetov kóshesimen ótip, Almaty A2 trassasyna deıingi baǵytty aldy. Máre «Naýryz» alańy boldy.

Qatysýshylar 42, 21, 10 jáne 5 km qashyqtyqta júgirip ótti.

Marafonǵa qatysýshylardy qala ákiminiń orynbasary M.Isahov quttyqtap, adamnyń deni saý bolýy úshin salaýatty ómir saltyn ustaný qajet ekenin aıtty.

Jarystyń jalpy júlde qory 7 mıllıon teńge.
Baıqaýdyń barlyq qatysýshylaryna halyqtar dostyǵy beınelengen medaldar tabystaldy.

Pikirler