Belgili akter Tuńǵyshbaı Jamanqulov jýyrda ǵana para alǵany úshin sotty bolǵan Erlan Bilál týraly pikir bildirdi, dep habarlaıdy Caravan.kz medıa-portaly.
Tuńǵyshbaı myrza Aman Tasyǵannyń TalkLike baǵdarlamasyna bergen suhbatynda «tanymaımyn, kezdestirmedim» dep ázildep te aldy .
Habar barysynda kezinde ózi de isti bolǵan tanymal akter kóp nárseniń basyn ashyp aıtty. Atap aıtqanda Erlan Bilálge ne úshin qoldaý bildirmeginin jarııa etti.
-Erlan meniń shákirtim. Meniń basyma qara bult úıirilgende qaıda bararyn bilmeı áýre sarsańǵa túsken balam sııaqty. Meniń jaǵyma shyǵaıyn dese basshylarynan qorqady, basshy jaǵyna shyǵaıyn dese meni oılaıdy.Sóıtip qıyn jaǵdaıǵa túskenin jaqsy bilemin.
Qońyraý shalyp, qoldaý bildirgen joqpyn. Óıtkeni maǵan olaı isteýge bolmaıdy, ol jigit telfon almaıdy da. Ekinshiden oǵan odan saıyn zııan kelmesin degen uǵymnan tartynǵanym ras. Sol sebepti únsiz qalýym durys dep oılaımyn. Óıtkeni meniń basyma kún týǵanda meni qorǵap jazǵan qyz kelinshekterdiń, jýrnalısterdiń basyna kún týdy, jumysynan aıyryldy, sózge qaldy degendeı máseleler boldy. Eger men habarlasa qalasam «bul ustazynyń adamy eken ǵoı» degen oımen qıyn bola ma dep tartyndym. Óıtkeni halyqqa sózim ótip tursa da, ondaı vedomstvonyń jandaıshaptaryna sózim ótpeıdi, - dedi akter.
">
