Qyzylorda oblysynda 12-18 jas aralyǵyndaǵy balalar jáne júkti áıelder men bala emizetin áıelderge arnalǵan Pfizer vakınasy salyna bastady, dep habarlaıdy “Adyrna” ulttyq portaly.
Aıqyn basylymynyń málimetinshe, alǵashqy bolyp medıınalyq kolledjdiń stýdentteri ekpe alǵan. Búginge deıin 70 stýdenttiń ata-analary balalaryna vakına salýǵa kelisim bergen kórinedi.
«Búginde barlyq emhanalarda daıyndyq jumystary pysyqtalǵan. Arnaıy ortalyq qoımaǵa 2 tońazytqysh ákelindi. Ótken aptada Pfizer-diń 23 400 dozasy jetkizildi. Ol ata-analardyń kelisimimen 12-18 jastaǵy jasóspirimderge, 16-37 apta aralyǵyndaǵy júkti áıelder men bosanǵanyna 42 kún bolǵan emizýshi áıelderge salynady», – dedi oblystyq Densaýlyq saqtaý basqarmasy basshysynyń orynbasary Jangeldi Shaımbetov.
«Jalpy, Qyzylorda oblysy «jasyl» aımaqta. Óńirde osy indetpen aýyrǵandardyń 96 paıyzy emdelip shyqty» deıdi aq halattylar.
Vakınalaý jumystary bastalǵaly beri oblysta vakınanyń 1 komponentin 385 601, ekinshi komponentin 320 783 adam alǵan.
”Adyrna” ulttyq portaly
