Shymkentte dinı konfessııa ókilderi arasyndaǵy spartakıada jalǵasýda. Sport saıystarynan keıingi kezek shahmatqa keldi. Qajymuqan atyndaǵy ortalyq stadıondaǵy keshende ıntellektýal básekesi ótti. Búgingi saıysqa 16 qatysýshy jınaldy.
– Din ókilderi eki aptadan astam ýaqyttan beri túrli sport saıystaryna qatysyp, belsendilik kórsetip keledi. Bul - jyldaǵy dástúr. Kúni keshe ústel tennısinen myqtylar anyqtalsa, búgin shahmat sheberleri belgili bolady. Al spartakıadanyń myqtylary 15 qazan kúni ótetin saltanatty rásimde marapattalady, – dedi Shymkent qalasynyń din isteri basqarmasynyń qyzmetkeri Ǵalymjan Sarmanov.
Aıta keteıik, din ókilderi arasyndaǵy spartakıada Qazaqstan Respýblıkasy táýelsizdiginiń 30 jyldyǵy men 18 qazan – Rýhanı kelisim kúnine oraılastyryp ótkizilýde. Mundaǵy maqsat – turǵyndar arasyndaǵy tatýlyq pen kelisimdi nyǵaıtý, buqaralyq sportty nasıhattaý, salaýatty ómir saltyn rásimdeý. Bir aılyq báseke 15 qazan kúni aıaqtalady.
