Búgin Eńbekshi aýdany ákimdiginiń uıymdastyrýymen Saıram kóshesiniń boıynda ornalasqan №165 kópqabatty úıdiń aýlasyn abattandyrý nysany jáne balalar oıyn alańshasy ashyldy.
Ashylý saltanatyna «Nur Otan» partııasynyń Shymkent qalalyq fılıalynyń «Otbasy, áıelder jáne balalardyń quqyqtaryn qorǵaý» máseleleri jónindegi qoǵamdyq keńestiń tóraıymy Shýngaraeva Gúlaıym Áskerqyzy, Eńbekshi aýdandyq ardagerler keńesiniń tóraǵasy Jaıshybekov Zulpyhar Sarsenbaıuly qatysyp, turǵyndardy Qazaqstan Respýblıkasy Táýelsizdigine 30 jyl merekesimen quttyqtady.
El Táýelsizdiginiń 30 jyldyǵyna oraı Eńbekshi aýdanynda 2021 jyly «Halyq qatysatyn bıýdjet» jobasynyń aıasynda kópqabatty 41 úıdiń aýlalary abattandyrylyp, balalar oıyn alańshalary jańalanýda.
Búgingi tańda 24 úıdiń aýlasynda abattandyrý jumystary aıaqtalyp, turǵyndardyń ıgiligine tapsyryldy.
Odan bólek, jyl sońyna deıin 17 kópqabatty úılerdiń aýlasyndaǵy abattandyrý jumystary tolyǵymen aıaqtalyp, paıdalanýǵa berildi.
«Adyrna» ulttyq portaly
