Resei prezidentı Vladimir Putin 9-şaqyrylymdaǧy Memlekettık Duma sailauyn 20 qyrküiekke belgıleu turaly jarlyqqa qol qoidy. Tiıstı qūjat 16 mausym künı qūqyqtyq aqparattyŋ resmi internet-portalynda jariialandy, dep habarlaidy «Adyrna» tılşısı.
Dauys beru būrynǧydai üş künge sozylady. 20 qyrküiek dästürlı uchaskelerde dauys berudıŋ soŋǧy künı bolady. Sailau Reseidegı öŋırlık jäne munisipaldyq sailaularmen bırge Bıryŋǧai dauys beru künı aiasynda ötedı.
Ortalyq sailau komissiiasynyŋ töraiymy Ella Pamfilovanyŋ aituynşa, sailau nauqany 16 mausymnan bastalǧan. Būǧan deiın ol dauys beru kezeŋınde bırqatar öŋırde bailanys pen internet jūmysyna uaqytşa şekteuler engızıluı mümkın ekenın aityp, azamattardy tüsınıstıkpen qarauǧa şaqyrǧan.
«Bailanys pen internetke qatysty şekteuler qauıpsızdıktı qamtamasyz etu maqsatynda engızıledı», – dedı ol.
Ortalyq sailau komissiiasy töraǧasynyŋ orynbasary Nikolai Bulaev komissiia el öŋırlerındegı ūşqyşsyz ūşu apparattaryna bailanysty ahualdy eskere otyryp, arnaiy qauly jobasyn daiyndaǧanyn mälımdedı.
Būl – Reseidıŋ Ukrainaǧa qarsy keŋ auqymdy soǧysy bastalǧannan keiın ötetın alǧaşqy Memlekettık Duma sailauy. Dauys beru alǧaş ret Resei bilıgı öz qūramyna qosty dep jariialaǧan Ukrainanyŋ Donesk, Zaporoje, Herson jäne Lugansk oblystarynyŋ basyp alynǧan aumaqtarynda ūiymdastyrylady. Anneksiialanǧan Qyrymda mūndai sailaular būǧan deiın de ötken.
Eldıŋ 33 öŋırınde qaşyqtan elektrondy dauys beru ötkızıledı. Dese de, būl jüie bırneşe ret synǧa ūşyrap, jurnalister men sarapşylar onlain dauys beru barysynda jappai būrmalauşylyqtar bolǧanyn mälımdegen edı.
Sailau partiialyq tızımder jäne 225 bırmandatty okrug boiynşa ötedı. Sailauǧa 17 partiia qatyspaq. Olardyŋ 12-sı öŋırlık parlamentterde ökıldıgı bolǧandyqtan qol jinaudan bosatylǧan.
Oppozisiialyq kandidattar üşın sailau nauqany kürdelı jaǧdaida ötpek. Zaŋnamanyŋ kezektı qataŋdatyluynan keiın Resei bilıgı özıne ūnamaityn kandidattardy sailaudan şettetu mümkındıgın keŋeitken. Sonyŋ saldarynan «Iаbloko» jäne Kommunistık partiianyŋ bırqatar tanymal ökılı äkımşılık jazalar men qylmystyq ısterge bailanysty sailauǧa qatysu qūqyǧynan aiyrylǧan.
«Iаbloko» partiiasy Ukrainadaǧy soǧysqa qarsy ūstanym bıldıretın jäne sailauǧa qatysuǧa rūqsat alǧan jalǧyz saiasi küş bolyp qalyp otyr. Partiia ekı tarapty da beibıt kelıssözderge şaqyrady. Al soǧysqa qarsy jäne oppozisiialyq ūiymdardyŋ basym köpşılıgı sailauǧa jıberılmegen.
Aldyŋǧy Memlekettık Duma sailauy 2021 jyldyŋ 17–19 qyrküiek aralyǧynda ötken edı.
