Nur-Sultan qalalyq máslıhatynyń hatshysy Erlan Qanalımov elektrondy shylymdy temeki buıymdaryna teńestirýdi usyndy, dep habarlaıdy “Adyrna” ulttyq portaly QazAqparatqa silteme jasap.
«Bilim basqarmasy men Polıııa departamentiniń birge nazar aýdarýyn suraımyn, qazir elektrondy shylymǵa qatysty úlken másele týyndady. Bul bizdiń qoǵamnyń qazirgi naqty máselesi. Joǵary synyp oqýshylary temeki shegedi dep aıtpaı-aq qoıaıyn, qazir besinshi synyp oqýshylary da tartatyn bolǵan.
Olar barlyq jerde satylady, akızdelmeıdi – kez kelgen adamǵa satyla beredi. Oǵan bir shara qoldanaıyq? Men múldem tyıym salý kerek dep aıtpaımyn, satyla bersin, biraq ony temeki ónimderine teńestirip, 21 jastan asqandar ǵana alýy kerek. Bulaı jalǵasa berýine bolmaıdy!»,- dedi Erlan Qanalımov máslıhattyń turaqty komıssııasynyń otyrysynda.
«Biz tutas býyndy ýlandyryp otyrmyz. Olar qazir saldaryn oılamaýy múmkin, zııany joq dep oılaıdy, biraq bedeýlik sekildi kóptegen máselege ákelýi múmkin. Bul bizdiń urpaǵymyz. Endi ne isteý kerek? Qandaı joldary bar? Osy másele boıynsha sizdermen birge sheshim qabyldaıyq», - dedi Erlan Qanalımov.
Qoǵamdyq densaýlyq saqtaý basqarmasynyń basshysy Tımýr Muratov depýtattyń usynysyn qabyldady jáne vedomstvonyń bul máseleni sanıtarlyq-epıdemıologııalyq qadaǵalaýǵa jetkizetinin aıtty.
”Adyrna” ulttyq portaly
