Nūr-Sūltan qalalyq mäslihatynyŋ hatşysy Erlan Qanalimov elektrondy şylymdy temekı būiymdaryna teŋestırudı ūsyndy, dep habarlaidy “Adyrna” ūlttyq portaly QazAqparatqa sılteme jasap.
«Bılım basqarmasy men Polisiia departamentınıŋ bırge nazar audaruyn sūraimyn, qazır elektrondy şylymǧa qatysty ülken mäsele tuyndady. Būl bızdıŋ qoǧamnyŋ qazırgı naqty mäselesı. Joǧary synyp oquşylary temekı şegedı dep aitpai-aq qoiaiyn, qazır besınşı synyp oquşylary da tartatyn bolǧan. Olar barlyq jerde satylady, aksizdelmeidı – kez kelgen adamǧa satyla beredı. Oǧan bır şara qoldanaiyq? Men müldem tyiym salu kerek dep aitpaimyn, satyla bersın, bıraq ony temekı önımderıne teŋestırıp, 21 jastan asqandar ǧana aluy kerek. Būlai jalǧasa beruıne bolmaidy!»,- dedı Erlan Qanalimov mäslihattyŋ tūraqty komissiiasynyŋ otyrysynda. «Bız tūtas buyndy ulandyryp otyrmyz. Olar qazır saldaryn oilamauy mümkın, ziiany joq dep oilaidy, bıraq bedeulık sekıldı köptegen mäselege äkeluı mümkın. Būl bızdıŋ ūrpaǧymyz. Endı ne ısteu kerek? Qandai joldary bar? Osy mäsele boiynşa sızdermen bırge şeşım qabyldaiyq», - dedı Erlan Qanalimov.Qoǧamdyq densaulyq saqtau basqarmasynyŋ basşysy Timur Mūratov deputattyŋ ūsynysyn qabyldady jäne vedomstvonyŋ būl mäselenı sanitarlyq-epidemiologiialyq qadaǧalauǧa jetkızetının aitty.
”Adyrna” ūlttyq portaly
Ūqsas jaŋalyqtar
