Aýa raıynyń kúrt sýytýy men qurǵaqshylyq Aýǵanstandaǵy azyq-túlik daǵdarysyn ulǵaıta túsýde, dep eskertti BUU sarapshylary VVS-ge bergen suhbatynda. Bul týraly "Adyrna" saıty habarlaıdy.
Dúnıejúzilik azyq-túlik baǵdarlamasynyń (WFP) atqarýshy dırektory Devıd Bıslı 7 qarashadaǵy Kabýlǵa barǵan saparynan keıin: «Aýǵandyqtardyń 95 paıyzy óz-ózderin tamaqpen qamtamasyz ete almaıdy jáne biz olardyń barlyǵynyń ashtyqqa ushyraǵanyn kórip otyrmyz», - dedi. Aýǵanstandaǵy kelesi alty aı jer betindegi tozaqqa aınalady», - dedi.
Dúnıejúzilik azyq-túlik baǵdarlamasynyń sarapshylary birneshe aı boıy halyqaralyq qaýymdastyqty Aýǵanstanǵa kómek kórsetýdi qaıta bastaýǵa shaqyryp keledi. Talıban bılikti basyp alǵanǵa deıin elge dári-dármek pen azyq-túlik jetkizilgen. Biraq eski rejımniń qulaýymen birge qoldaý da joǵalyp ketti.
Batys elderi qyzdardyń bilim alýyna tyıym salatyn jáne sharıǵatty buzǵany úshin qatań jazalardy qalpyna keltiretin «Talıban» qozǵalysymen baılanysqysy kelmeıdi, dep jazady VVS.
Kabýldan 50 shaqyrym jerdegi Vardak provınııasynda birneshe júz adam un alamyz degen úmitpen kezekke turdy. Bul BUU-nyń Dúnıejúzilik azyq-túlik baǵdarlamasynyń kómeginiń qalǵan qutqany edi.
Kezekte turǵan aýǵan qart: «Qys bastaldy deı berelik», - deıdi. «Eger nan pisiretin eshteńe bolmasa, men qaqaǵan qystan aqalaı aman shyǵatynymdy bilmeımin» dedi ol.
Aýǵanstannyń ortalyǵyndaǵy Bamııan qalasynda úsh pen 16 jas aralyǵyndaǵy jeti balasymen jalǵyz turatyn jesir áıel Fatema da tamaqty qaıdan alaryn bilmeıdi. Kúıeýi qaterli isik aýrýynan qaıtys boldy. Buryn Fatema kórshi sharýanyń jerin aram shópten julyp aqsha tabatyn. Biraq qurǵaqshylyq oǵan aqsha tabýǵa múmkindik bermedi.
«Men qorqamyn, balalarymdy tamaqtandyratyn eshteńem joq», - deıdi Fatema. «Jaqynda meniń qaıyr suraýyma týra keletin sekildi».
Keıbir aýǵandyqtar aqsha alý úshin qyzdaryn satyp jiberdi. Fatema bul oıdan bas tartty.
Devıd Bıslı halyqaralyq qaýymdastyqty jazyqsyz adamdardyń ólimine jol bermeýge shaqyrady:
«Biz jas balalardyń ashtyqtan ólýine kóz juma qaraýdamyz. Bul sumdyq. Bul balalardyń qaıda ekeni bizge mańyzdy bolmaýy tıis, eń bastysy kómek».
2021 jyldyń tamyzynda halyqaralyq koalıııa áskerleri Aýǵanstannan shyǵarylǵannan keıin Talıban sodyrlary eldegi bılikti basyp aldy. Olar áıelderdiń bilim alýyna tyıym salyp, kópshilik aldynda jazalaýdy, sonyń ishinde urlyq jasaǵandar úshin aıaq-qolyn kesýdi qaıta bastady. Talıban rejımin álemniń eshbir memleketi resmı túrde moıyndaǵan joq.
"Adyrna" ulttyq portaly
