Pedagogterdi daıarlaıtyn JOO-nyń sany 86-dan 50-ge deıin qysqardy. Jalpy pedagogıkalyq baǵyttar boıynsha lıenzııaǵa 138 qosymsha qaıtaryldy, dep habarlaıdy "Adyrna" ulttyq portaly.
Esterińizge sala keteıik, buǵan deıin Memleket basshysy bolashaq pedagogterdi daıarlaý sapasyn qamtamasyz etý boıynsha keshendi sharalar qabyldaýdy tapsyrǵan bolatyn.
Sońǵy eki jyldyń ishinde mınıstrlik joǵary oqý oryndaryna bilim berý qyzmetteriniń sapasyn jaqsartý úshin túrli múmkindikter jasady. Máselen, bıyl qyrkúıek aıynan bastap joǵary oqý oryndary oqytýshylarynyń jalaqysy joǵarylap, jumys istep júrgen jáne tájirıbesi mol mamandardy barynsha jumysqa tartýǵa zań júzinde ruqsat etildi.
Sonymen qatar jyl basynan beri QR BǴM eńbek naryǵynyń zamanaýı suranystaryna beıimdelgen 300-den astam bilim berý baǵdarlamasyn ázirledi. Akademııalyq derbestik berilip, túlekterdi sertıfıkattaý júıesi engizildi.
- Bolashaqta balalarmen jumys isteıtin pedagogterdiń biliktilik máselesi biz úshin óte mańyzdy. Mektepterdegi oqýshylardy óz isin jaqsy kóretin mamandar oqytýy kerek. Sondyqtan bul máselede pedagogterdi daıarlaıtyn joǵary oqý oryndarynyń sanyna emes, olardyń jumys sapasyna basa nazar aýdarǵan jón. Ymyraǵa kelý degen bolmaıdy. Elimizde bolashaq muǵalimderdi sapaly daıarlaıtyn joǵary oqý oryndary bar. Alaıda, keıbir ýnıversıtetterdegi tekserý nátıjeleri kóńil kónshitpeıdi jáne ýnıversıtetterdiń barlyǵy birdeı talaptarǵa sáıkes kele bermeıtinin kórsetedi. Mınıstrlik bilim berý qyzmetteriniń sapasyn sáıkestendirýge ýaqyt beredi. Eger joǵary oqý orny sapany jaqsartý boıynsha jumys júrgizbese, biz qatań sharalar qabyldaımyz. Atap aıtsaq, lıenzııadan aıyramyz. Mysaly, qazirgi tańda elimizde pedagogterdi daıyndaıtyn joǵary oqý oryndary az. Esesine pedagogterdi básekege qabiletti ýnıversıtetter daıyndaıdy. Ýaqyt óte kele bul oń nátıje beredi,— dep atap ótti QR BǴM Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.
"Adyrna" ulttyq portaly
