2022 jyldyń qańtarynan bastap pedofılderge elektrondy bilezik taǵylady. Bul týraly ishki ister mınıstri Erlan Turǵymbaev málimdedi, dep habarlaıdy "Adyrna" ulttyq portaly.
Ol probaııalyq baqylaýdy damytý úshin elektrondy bilezikter engizilip jatqanyn atap ótti.
- Bıyl biz pılot retinde osy jumysty bastaımyz. Birinshi kezekte 2022 jyldyń 1 qańtarynan bastap elektrondy bilezikter pedofılderge taǵylady, - dedi Turǵymbaev májiliste ótken úkimet saǵatynda.
Odan bólek Mınıstr Qazaqstanda zorlyq-zombylyq úshin qylmystyq jaýapkershilik qatańdatylǵanyn eske saldy. Endi osy qylmys úshin sottalǵandarǵa merziminen shartty túrde bosatý jáne raqymshylyq sharalary qoldanylmaıdy.
Eske sala keteıik, byltyr jazda ishki ister mınıstri Erlan Turǵymbaev mınıstrlik sottalǵandarǵa elektrondy bilezik satyp almaıtynyn málimdegen edi. Ol elektrondy bilezikter óte qymbat ekenin, al sottalǵandardy qosymsha arqyly baqylaýǵa bolatynyn aıtty.
"Adyrna" ulttyq portaly
