Mańǵystaý oblystyq TJD bastyǵynyń orynbasary Bekbolat Ábdiqadyrov Aqtaýdaǵy joıqyn jarylystyń aldyn ala sebebin atady. Bul týraly Mańǵystaý oblysy ákimdigine qarasty qoǵamdyq kommýnıkaııa ortalyǵynyń Facebook paraqshasy habarlady, dep málimdeıdi "Adyrna" ulttyq portaly.
Ákimdik dereginshe, búginde jarylys saldaryn joıý jumystarymen 70 qutqarýshy, 10 tehnıka birligi aınalysyp jatyr. Tótenshe jaǵdaı ornynda 150 polıeı men azamattyq qorǵanys organdary, energetıka mamandary jumys isteýde.
- "Sherqala" kesheni ıesiniń aıtýynsha, barlyq jumysshylar ǵımarattan keshki saǵat 18:00 men 20:00-arasynda ketken. Mańǵystaý oblysy Tótenshe jaǵdaılar departamenti basshysynyń orynbasary Bekbolat Ábdiqadyrovtyń aıtýynsha, jarylystyń aldyn ala sebebi gaz-aýa qospasynyń taraýy bolýy múmkin. Jarylys ornynan eki gaz balony shyǵaryldy. "Ǵımarat ıesiniń aıtýynsha, qoqys astynda árqaısysy syıymdylyǵy 50 lıtr bolatyn taǵy eki gaz balony bar. Tolyǵyraq aqparat avarııalyq-qutqarý jumystary joıylǵannan keıin júrgiziledi", - dep habarlady Bekbolat Ábdiqadyrov.
Aıta keteıik, keshe, 7 qarasha kúni Aqtaýda joıqyn jarylys bolyp, ekiqabatty ǵımarattyń tas-talqany shyqty. Bastapqyda áleýmettik jelide TJ saldarynan qaza tapqandar týraly aqparat paıda bolǵan edi. Alaıda, bul málimetti Mańǵystaý oblystyq aýrýhanasynyń bas dárigeri teriske shyǵardy. Ol jarylystan zardap shegip, medıınalyq mekemelerge júgingender bolmaǵanyn aıtty.
"Adyrna" ulttyq portaly
