Aqtaý qalasynda 7 qarasha kúni jergilikti ýaqyt boıynsha saǵat 21.18 mınýtta 29 "A" shaǵyn aýdanyndaǵy "Sherqala" kesheninde ornalasqan eki qabatty "Aıanat" dámhanasy jaryldy, dep habarlaıdy "Adyrna" ulttyq portaly.
Mańǵystaý oblystyq ákimdigine qarasty qoǵamdyq kommýnıkaııa ortalyǵynyń habarlaýynsha, qazir jarylys aýmaǵynda 18 tehnıka men 50-ge jýyq qyzmetker jumys istep jatyr.
Jarylys bolǵan jerde qazir Aqtaý qalalyq órt sóndirý jáne avarııalyq qutqarý jumystarynyń 7 tehnıkasy men 22 qyzmetkeri, oblystyq polıııa departamentinen 11 tehnıka men 25 qyzmetkeri jumys isteýde.
"Mańǵystaý oblystyq tótenshe jańdaılar departamentine jergilikti ýaqyt boıynsha saǵat 21.18 mınýtta 29 "A" shaǵyn aýdanyndaǵy "Sherqala" kesheninde ornalasqan eki qabatty dámhanada belgisiz jaǵdaıda jarylys bolǵany jóninde habarlama kelip tústi. Birden oqıǵa ornyna arnaıy qyzmet ókilderi jetti. Qazir jarylystyń sebebi men búlingen aýmaq jáne shyǵyn kólemi anyqtalýda",-dedi Aqtaý qalalyq tótenshe jaǵdaılar basqarmasynyń bas mamany Maqsat Shapqatov.
Aıta ketý kerek, jarylys týraly aqparat aldymen áleýmettik jelilerde tarap ketti. Ásirese ınstagram jelisinde fotolar men vıdeolar tarap úlgergen. Tipti aqtaýlyq bloger Azamat Sársenbaev jarylys bolǵan aýmaqty dronmen vıdeoǵa túsirgen.
"Adyrna" ulttyq portaly.
