Búgin Shymkent qalasynyń ákimi Murat Áıtenov karateden Tokıodaǵy jazǵy Olımpıada oıyndarynyń qola júldegerleri Darhan Asádilov pen Sofıa Berýlevaǵa páter kiltin tabystady.
Sporttaǵy jeńister el abyroıy úshin qyzmet etetinin aıtqan qala ákimi Memleket basshysy jazǵy Olımpıada oıyndarynda júldeger bolǵan qazaqstandyq sportshylardyń eńbegin erekshe baǵalap memlekettik nagrada taǵaıyndaǵanyn atap ótti.
Tórt jyldyqtyń basty básekesinde el úmitin aqtaǵan Darhan Asádilov pen Sofıa Berýleva «Qurmet» ordenimen nagradtalǵan. Memlekettik nagradany QR Prezıdenti Qasym-Jomart Toqaevtyń atynan QR Memlekettik hatshysy Qyrymbek Kósherbaev tabystaǵan bolatyn.
Murat Áıtenov jetistikter arqyly karate sport túriniń qalada damý deńgeıin kórsetkenin aıtyp, osy eńbekteri úshin qala turǵyndary atynan alǵys bildirdi.
Aıta keteıik, sportshylarǵa turǵyn úı qorynan «Nursat» shaǵyn aýdanynan 1 bólmeli páter berildi.
Karate sporty Olımpıada oıyndaryna tuńǵysh ret engizilgen edi. Darhan men Sofıa – karate tarıhynda Qazaqstannan shyqqan tuńǵysh Olımpıada júldegeri.
Shymkent qalasy ákimdiginiń baspasóz qyzmeti
