Shymshaharda QR Táýelsizdiginiń 30 jyldyǵy aıasynda qala ákimi Murat Áıtenovtiń bastamasymen úsh aýdanda jastarǵa arnalǵan ortalyqtar paıdalanýǵa berildi.
Qarataý aýdanyndaǵy jańa ortalyqtyń ashylý saltanatyna qatysqan shahar basshysy Murat Dúısenbekuly aýdan jastaryn zamanaýı resýrstyq ortalyqtyń ashylýymen quttyqtady.
– Respýblıkalyq statýsqa ıe bolǵaly qalamyz jan-jaqty damyp keledi. Shahardaǵy halyqtyń ortasha jasy 28-di quraıdy. Bul degenimiz Shymkentti jastar qalasy deýge bolady degen sóz. Al jastarǵa zamanaýı ortalyqtar qajet.
Jalpy endi munyń bári memleketimizdiń jastarǵa degen kóńili. Erteńgi jastar – elimizdiń irgetasy. Solarǵa bilim berý, jaǵdaı jasaý, jańa zamanaýı entrlerdi ashý – memleketimizdiń basty baǵdarlamalary, basty baǵyttary bolyp tabylady, - dedi qala ákimi.
Munan soń, shahar basshysy Qarataý aýdandyq jastar ortalyǵynyń jumysymen tanysyp, «Qazaqstan jastar kongresi» zańdy tulǵalar birlestiginiń atqarýshy dırektory Toqtar Bolysovtyń yntymaqtastyq memorandýmyna qol qoıdy.
Al qalalyq «Jastar resýrstyq ortalyǵy» KMM-niń basshysy Erlan Aıtbaevtyń aıtýynsha, jańa ǵımarat jastarǵa qyzmet kórsetý ortalyǵy qaǵıdaty boıynsha (jumysqa ornalastyrý, turǵyn úı máseleleri, memlekettik baǵdarlamalar, kásipkerlik jáne t.b.) jumys isteıtin bolady.
Sondaı-aq, qoldanystaǵy memlekettik baǵdarlamalar, jastarǵa arnalǵan múmkindikter jáne qalada júrgizilip jatqan reformalar, jas otbasylar arasynda ajyrasýdyń aldyn alý, NEET sanatyndaǵy jastarmen jumys, jastarǵa anonımdi psıhologııalyq kómek kórsetý, jastar men jastar uıymdaryna quqyqtyq, ádistemelik kómek kórsetý týraly keńester ótkiziledi.
Azamat JAPPAR,
Serik QOSAEV
