«Ákege qarap ul óser» atty VI Respýblıkalyq Ákeler forýmy ótti

3274
Adyrna.kz Telegram

2021 jylǵy 5 qarashada Shymkent qalasynda «Ákeler Odaǵy» RQB qala ákimdigimen birlesip Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne BUU-nyń Qazaqstandaǵy halyq qonystanýy salasyndaǵy qorynyń (IýNFPA) qoldaýymen «Ákege qarap ul óser» atty VI Respýblıkalyq Ákeler forýmy ótkizildi. 

  Memleket Basshysy Qasym-Jomart Toqaev otbasy ınstıtýtyn nyǵaıtý máselesine erekshe kóńil bólýde. Qazaqstan Respýblıkasynda memlekettik otbasylyq saıasat ulttyq strategııalyq basymdyqtar men mindetterge sáıkes iske asyrylyp otyr. Qazaqstan Respýblıkasynyń otbasylyq jáne genderlik saıasat tujyrymdamasynda elimizde áke ınstıtýtyn kúsheıtý kózdelgen.

Ákeler forýmynyń jumysyna Parlament depýtattary, Ulttyq komıssııa músheleri, ortalyq memlekettik jáne jergilikti atqarýshy organdardyń ókilderi, qoǵam qaıratkerleri, ÚEU, sondaı – aq ata-analar qoǵamdastyǵynyń ókilderi - óńirlerden kelgen delegattar qatysty. 

  Shymkent qalasynyń ákimi Murat Áıtenov, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa tóraǵasynyń orynbasary, Parlament Senatynyń depýtaty L.Súleımen, Aqparat jáne qoǵamdyq damý vıe-mınıstri A. Omarov, BUU-nyń Qazaqstandaǵy halyq qonystanýy salasyndaǵy qorynyń (IýNFPA) atqarýshy ókili R. Sısemalıev quttyqtaý sóz sóıledi.

  Forým moderatory Parlament Májilisiniń depýtaty, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Baqytbek Smaǵul is-sharany asha otyryp, «búgin de áke tárbıesindegi ákeniń rólin arttyrý, áke ınstıtýtyn nyǵaıtý problemasyna qoǵamnyń nazaryn aýdarý máseleleri eń aldymen balalardyń boıynda patrıottyq sezimdi, rýhanı-adamgershilik qundylyqtardy qalyptastyrý máselelerimen ózara baılanysty bolýǵa tıis.  Kúshti otbasynyń qalyptasýynda, balalardy tárbıeleý men damytýda, erlerdiń minez-qulqyn qalyptastyrýda ákeler úlken ról atqarady».

Forým qatysýshylaryna qoǵamdyq pikirdi zertteý ortalyǵy júrgizgen «Erlerdiń róli, olardyń Qazaqstandaǵy otbasylyq ómirge jáne balalardy tárbıeleýge qatysý dárejesi» atty ulttyq áleýmettik zertteýdiń nátıjeleri usynyldy. Zertteýmen Qazaqstannyń barlyq 17 óńiri qamtylǵan, onda otbasylyq erler men áıelder, jalǵyz basty, óz betinshe bala tárbıelep otyrǵan ákelermen, sondaı-aq qoǵamdyq birlestikter men memlekettik organdar ókilderiniń sarapshylarymen suhbat júrgizildi.  

«Otbasy jáne din», «Otbasylyq tárbıede ákeniń rólin arttyrý», «Qazaqstanda otbasy ınstıtýtyn qalyptastyrýǵa BAQ pen blogerlerdiń áseri», «Balalarǵa sporttyq tárbıe berý», «Mektepterde ákeler keńesin damytý», «Erekshe balalardyń erekshe ákeleri», «Balalardy tárbıeleýdegi kitaptardyń róli» taqyryptarynda belsendi pikirtalastar ótti.

  Forým spıkerleri – Qazaqstan Musylmandary Dinı Basqarmasynyń, Qazaqstan halqy Assambleıasynyń ókilderi, ortalyq jáne jergilikti atqarýshy organdardyń, ÚEU, sport klýbtarynyń, ǵylymı qoǵamdastyqtyń, halyqaralyq uıymdardyń ókilderi, BAQ salasyndaǵy sarapshylar, otbasy men balalar problemalaryn jarııa etetin blogerler, sondaı-aq óńirlerden kelgen delegattar osy proeste otbasy men mekteptiń baılanysyn nyǵaıtý jáne ata-analar qoǵamdastyǵymen birlesken jumysty kúsheıtý qajettiligi týraly pikirdi biraýyzdan bildirdi.

  Forým óskeleń urpaqty tárbıeleýdiń ózekti máselelerin sheshý boıynsha ortalyq jáne jergilikti atqarýshy organdarǵa arnalǵan naqty usynystardy atap ótýmen aıaqtaldy.

 Is-shara sońynda óńirlerden kelgen delegattarǵa jeke úlgi retinde jáne áke ınstıtýtyn damytýǵa qosqan úlesi úshin ulttyq komıssııanyń atynan alǵys hattar tabys etildi. 

«Adyrna» ulttyq portaly

Pikirler