Túrkimenstanda betperde rejımin buzǵan adamdar, sondaı-aq turmystyq qyzmet pen alıment boıynsha qaryzy barlar maqta men qyzylsha terýge májbúrli túrde jiberiledi. Odan bas tartqandardy polıeıler soqqyǵa jyǵady. Bul týraly «Azattyq» radıosynyń túrkimen qyzmeti habarlady.
"Qazir Bereket jáne Serdar aımaǵyndaǵy betperdesiz ustalǵan azamattardy, sondaı-aq elektr jaryǵy men gazǵa qaryzy bar, alıment boıynsha bereshegi bar azamattardy maqta men qyzylsha terýge májbúrlep jiberedi. Polıeıler maqta men qyzylsha terýge májbúrleý úshin olarǵa kúsh kórsetip, uryp-soǵyp jatyr», - dep jazady basylym kýágerlerdiń biriniń sózin.
Bıylǵy maýsymda turǵyndardyń aıtýynsha, egis alqaptarynda maqta joqtyń qasy. Qazirgi ýaqytta velaıatta jospardyń 21 paıyzy ǵana oryndalǵan. Balqan velaıatynda bıyl maqta jınaý maýsymy 8 qyrkúıekte bastaldy. Oǵan respýblıka boıynsha 1,25 mıllıon tonna maqtanyń 10 myń tonnasyn jınaý mindeti júktelgen.
Túrkimenstanda májbúrli eńbek maqta terý úshin ǵana emes, ony ósirý úshin de qoldanylady. Tamyz aıynda Azattyqtyń Túrkimen qyzmeti Darǵanat aımaǵyndaǵy orta mektep muǵalimderiniń maqta óńdeýge jiberilgenin habarlaǵan edi. Halyqaralyq quqyq qorǵaý uıymdary Túrkimenstandy maqta óndirisinde májbúrli jáne balalar eńbegin paıdalandy dep synaýda. Responsible Sourcing Network saıtynyń habarlaýynsha, 2021 jyldyń 10 tamyzyna deıin 138 jahandyq brend halyqaralyq naýqanǵa qosylyp, taýar óndirisinde túrikmen maqtasyn qoldanbaý týraly kelisimge qol qoıǵan.
"Adyrna" ulttyq portaly
