Almaly aýdandyq sotynda Muhtar Áýezov atyndaǵy Qazaq memlekettik akademııalyq teatrynyń eks-dırektory Erlan Bilálovtiń isi boıynsha sot talqylaýy jalǵasyp jatyr, dep habarlaıdy Baq.kz aqparat agenttigi QazAqparatsaıtyna silteme jasap
Sot barysynda «Sezam» qorynyń dırektory Qaırat Baıanov Erlan Bilálovke aqshany qalaı bergeni týraly aıtyp berdi. «Sezam» dırektory alǵash ret sottalýshymen 2017 jyldyń qazanynda kezdesken. Sol kezdesý barysynda syıaqy kólemi týraly aıtylǵan. Baıanov Bilálovke 1,5 mln teńge kóleminde aqshany bólip-bólip berýi tıis bolǵan.
«Soma týraly sóılespedik. Ol (Erlan Bilálov - avt.) 1,5 mln teńgeni meńzedi. Jaraıdy, kóreıik dedim», - dedi Baıanov.
Keıinirek Baıanov tergeý oryndarymen birge jumys jasaı bastaǵan. Alǵashqy 600 myń teńgeni Baıanov konvertke salyp 3 qańtarǵa deıin bergen. Biraq Bilálov aqshany tezirek berýin surap, qaıta-qaıta mazalaǵan. Qalǵan 900 myń teńgeni Baıanov 4 qańtarda berýi tıis boldy. Kýáger Baıanov 600 myń teńgeni qaıtarýǵa nıetti ekenin aıtty.
Eske salaıyq, 5 qańtarda QR eńbek sińirgen qaıratkeri, akter, Muhtar Áýezov atyndaǵy Qazaq memlekettik akademııalyq drama teatry basshysy Erlan Bilálov 1,5 mıllıon teńge paramen ustalǵany habarlanǵan bolatyn. Kinásin tolyq moıyndaýyna baılanysty Erlan Bilálov qamaýǵa alynbady. Osydan keıin 9 qańtarda Áýezov teatry dırektory mindetin atqarýshy taǵaıyndalǵan. Al 17 qańtarda Erlan Bilálovtiń isi sotqa túsken edi
baq.kz
