Ortalyq kommýnıkaııalar qyzmetinde Aqtóbe oblysynyń 2021 jyldyń toǵyz aıy ishindegi áleýmettik-ekonomıkalyq damýynyń qorytyndysy men aldaǵy kezeńge jospary jaıynda baspasóz máslıhaty ótti dep habarlaıdy "Adyrna" ulttyq portaly.
Oblys ákimi Ońdasyn Orazalın Prezıdenttiń halyqtyń ál-aýqatyn jaqsartyp, ekonomıkalyq ósimdi qamtamasyz etý boıynsha tapsyrmasynyń júzege asyrylýy týraly baıandady.
"Elimizdiń óz aldyna derbes memleket qurǵanyna minekı 30 jyl boldy. Búgingi kúni Aqtóbe oblysynda 927 myń turǵyn bar. Al 1991 jyly 740 myń bolǵan. Sáıkesinshe, Aqtóbe qalasynyń turǵyndarynyń sany shamamen eki ese ósip, búgingi kúnge 551 myńdy quraıdy. Óńirlik áleýmettik-ekonomıkalyq jaǵdaıdyń jaqsarǵanyn osy sandar arqyly da bilýge bolady. Óıtkeni adam balasynyń tabıǵatyna tán nárse, qaı jerde ómir súrý yńǵaıly, sol jerge kóbirek shoǵyrlanady. Biz óńirdiń serpindi damýyna jáne halyqtyń ómir súrý sapasyn arttyrýǵa baǵyttalǵan Prezıdent saıasatyn iske asyrýdy jalǵastyrýdamyz",- dep atap ótti Ońdasyn Orazalın.
Onyń aıtýynsha, jyl basynan beri negizgi áleýmettik-ekonomıkalyq kórsetkishter boıynsha oń dınamıka baıqalady. Máselen, ónerkásip óndirisiniń kólemi ótken jyldyń sáıkes kezeńimen salystyrǵanda 4,8%-ǵa ulǵaıdy. Onyń ishinde óńdeý ónerkásibinde 11,2% ósim tirkeldi. Negizgi kapıtalǵa salynǵan ınvestıııalardyń ósý qarqyny - 130,5%-dy, qurylys – 103,4%-dy, turǵyn úıdi paıdalanýǵa berý - 112%-dy, saýda - 104,1%-dy qurady.
"Bıylǵy jylǵy qurǵaqshylyqtyń sebebinen dándi jáne maıly daqyldardyń ónimdiligi tómen boldy. Bul rette, ósimdik sharýashylyǵynyń ónimi 83,7%–ǵa azaıdy, sonyń saldarynan aýyl sharýashylyǵy óniminiń kólemi 95,1%–ǵa tómendedi. Degenmen, jyl qorytyndysy boıynsha mal sharýashylyǵy esebinen aýyl sharýashylyǵy kórsetkishin oń dınamıkaǵa shyǵarýdy josparlap otyrmyz. Aǵymdaǵy jyly aýyl sharýashylyǵy taýaryn óndirýshilerdi memlekettik qoldaý maqsatynda respýblıkalyq jáne jergilikti bıýdjetten shamamen 26,7 mlrd.teńge sýbsıdııa bólindi. Onyń ishinde, qomaqty qarajat, ıaǵnı 6,7 mlrd. teńge jem-shóp satyp alýǵa bólindi. Bizdiń oblys – bıyl aýyl sharýashylyǵyna osyndaı aýqymdy qoldaý kórsetip otyrǵan jalǵyz óńir",- dedi O.Orazalın.
Jyl basynan beri 624 myń m2 turǵyn úı paıdalanýǵa berildi, jyl sońyna deıin 1 mln.-nan astam m2 paıdalanýǵa berý josparlanyp otyr.
Osy jyldyń qorytyndysy boıynsha óńir halqynyń 97,3%-y ortalyqtandyrylǵan sýmen, 93% -y gazben qamtylady.
"314 shaqyrym jol jóndeldi, jalpy, jyldyń qorytyndysy boıynsha 450 shaqyrymnan astam joldy jóndeý josparda bar, bul jergilikti mańyzy bar joldardyń jaqsy jáne qanaǵattanarlyq jaǵdaıdaǵy úlesin 66%-ǵa deıin arttyrýǵa múmkindik beredi", — dedi spıker.
Oblys ákimi óńirdegi sanıtarlyq-epıdemıologııalyq jaǵdaıǵa toqtaldy. Qazirgi tańda Aqtóbe oblysy "jasyl" aımaqta.
"Árıne, koronavırýsqa qarsy kúrestiń negizgi quraly vakınaııa bolyp tabylady. 4 qarashadaǵy jaǵdaı boıynsha oblysta birinshi komponentpen 339 myń adam, ekinshi komponentpen 310,2 myń adam egildi",- dedi oblys basshysy.
"Adyrna" ulttyq portaly.
