Ilon Masktyń óte qupııa álemi

2888
Adyrna.kz Telegram
Foto: ashyq derekkóz
Foto: ashyq derekkóz

Mıllıarder, Tesla kompanııasynyń bas atqarýshy dırektory Ilon Masktyń Twitter akkaýntynda biraz shytyrman oqıǵalar boldy.

2018 jyly Mask "Tesla-ny jekemenshikke alýdy qarastyryp jatyrmyn" degen tvıtinen keıin oǵan AQSh-tyń baǵaly qaǵazdar jáne bırjalar jónindegi komıssııasy aıyp taǵyp, 20 mıllıon dollar aıyppul salǵan bolatyn.

2020 jyldyń sáýirindegi lokdaýn kezinde, Mask Twitter-de "Dál qazir Amerıkany erkin jiber" dep jazyp, taǵy da daý týdyrǵan.

Kelesi aıynda Mask "Men barlyq derlik fızıkalyq menshikterimdi satamyn. Eshqandaı úı bolmaıdy" degen.

62 mıllıon jazylýshysy bar Mask taǵy da bir qyzyqty tvıt jarııalady.

Tvıt aǵylshyn tilinde "adamzat" degen sózden bastalǵan. Alaıda bir ǵana aǵylshyn sózinen keıin qytaı tilindegi ejelgi óleń joldary jazylǵan.

Óleńdi bizdiń zamanymyzdyń 220-280 jyldar aralyǵyndaǵy Qytaıdyń Úsh memleketke bólingen kezeńinde ómir súrgen aqyn ao Chjı jazǵan. Derekterge sáıkes, ao Chjı bul sózderdi aǵasymen aradaǵy daýdy sheshý úshin daýystap aıtqan.

Derekter boıynsha, ımperator ao Pı inisi ao Chjıdiń bılikti qulatpaq nıeti bar dep kúdiktenip, onyń adaldyǵyn anyqtaý úshin aqyndy shaqyrady. Imperator aqynnyń kinásizdigine kóz jetkizý úshin odan jeti qadam attamaı turyp óleń jazýdy talap etedi.

"Jeti qadam tórt tarmaq" degen óleń ımperatordyń osy synaǵynan týyndaǵan. Sodan keıin ımperator emoııasyn jeńip, inisine kúdigi seıilgen-di.

Óleńniń tórt tarmaqty nusqasynyń (Mask bólisken) aýdarmasy kelesideı:

"Burshaq sabaǵynyń jalynynda burshaqtar qýyryldy,

Qazannyń ishinen (burshaqtar) ashýlandy:

"Biz bir tamyrda óstik -

Bizdi otta pisirýge nege asyǵasyń?".

(Humankind

煮豆燃豆萁

豆在釜中泣

本是同根生

相煎何太急)

Bul qytaı ádebı shyǵarmasy ádette baýyrlastar arasyndaǵy qarym-qatynasty retteıtin jáne usaq kelispeýshilikterge jaýap retinde "bir-birine zııan keltirý" degen ıdeıaǵa qarsy turatyn metafora retinde túsindiriledi.

Masktyń tvıti Qytaı men AQSh áleýmettik jelisinde qyzý talqyǵa tústi. Óleń joldaryna taldaý jasaǵan, onyń kimge baǵyttalǵanyn túsindirgen ár túrli teorııalar paıda boldy.

Áleýmettik jeli qoldanýshylary men álemdik BAQ "Mask aıtyp otyrǵan metaforalyq aǵaıyndylar kim bolýy múmkin?", "búkil adamzat?", "klımattyń ózgerýine qarsy kúres pe?", "Mask pen ǵaryshqa qumar mıllıarder Djeff Bezos pe?", "Qytaı men Amerıka Qurama Shtattary ma?" degen suraqtar qoıǵan.

"Bizdiń batystyq dostarymyz úshin. Bul Úsh Patshalyq romansyndaǵy óleń. Biz (osy óleń joldary arqyly) bir-birimizben soǵyspaý kerektigin beıneleımiz" dep jazady OKEX bas dırektory Djeı Hao Twitter-de. Ol Masktyń tvıti Shyǵys pen Batysty meńzegenin, qaqtyǵysty boldyrmaý kerek ekenin aıtty dep senedi.

"Ol Taıvan máselesin aıtyp jatyr. Onyń kózqarasy bilinýde" delingen Masktyń Weibo jazbasynyń astyndaǵy tanymal pikirde.

"Munyń sebebi demokrattar baılarǵa salyq salǵysy keledi, onyń ishinde Masktyń 50 mıllıard AQSh dollary jáne Bezostyń 44 mıllıard dollary bar" dep jazady taǵy biri.

Masktyń poetıkalyq tvıtiniń astyndaǵy keıbir túsiniktemelerde "Shiba Inu jáne Dogecoin krıptovalıýtalaryna silteme jasalýy múmkin" ekendigi aıtylaǵan:

Alǵashqy kezde Mask Dogecoin krıptovalıýtasyn qoldaǵan jáne ol júzdegen ese qymbattaǵan. Keıinirek oǵan básekeles retinde Shiba Inu krıptovalıýtasy shyǵyp, onyń da baǵasy kórnekti kóterildi. Tipti jaqynda Shiba Inu-dyń naryqtyq quny Dogecoin-nan asyp tústi. "Bul tıisti monetalardy jaqtaýshylar arasynda shıelenis týdyrdy" dep habarlaıdy Fortune.

Al Qytaıdyń "Sınhýa" memlekettik agenttigine qarasty "Reference News" basylymy Masktyń jazbasyna basqasha taldaý jasaıdy. Basylym tvıtti BUU Dúnıejúzilik Azyq-túlik baǵdarlamasynyń atqarýshy dırektorynyń qaıyrymdylyq týraly Maskpen qyzý pikir almasýyna baılanystyrady.

Tesla kompanııasy ejelgi qytaı óleńi týraly tvıtke túsinikteme berý suraqtaryna jaýap bermedi.

 

Talǵar QYRYQBAI,

Derekkóz: Qamshy.kz

Pikirler