Elbasy Abu-Dabidıŋ taq mūragerı, Bırıkken Arab Ämırlıkterınıŋ Qaruly küşterı Joǧarǧy Bas qolbasşysynyŋ orynbasary, şeih Mūhammed ben Zaid Äl Nahaianmen kezdestı dep habarlaidy elbasy.kz.
Nūrsūltan Nazarbaev pen Abu-Dabidıŋ taq mūragerı ekı el arasyndaǧy dästürlı dostyq qatynastardyŋ qarqyndy damyp kele jatqanyna joǧary baǧa berdı.
Osy oraida Qazaqstan premer-ministrı Asqar Maminnıŋ Abu-Dabi qalasyna barǧan saparynyŋ qorytyndysy atap ötıldı. Būl saparda Qazaqstan ekonomikasynyŋ basym salalarynda jalpy investisiia kölemı 6 milliard dollardan asatyn jobalardy damytu üşın ūzaq merzımdı strategiialyq ärıptestık ornatu turaly ükımetaralyq qūjatqa qol qoiylǧan bolatyn.
Elbasy Bırıkken Arab Ämırlıkterınıŋ halqyn eldıŋ qūrylǧanyna 50 jyl tolǧan mereilı toiymen şyn jürekten qūttyqtap, az ǧana tarihi kezeŋde är salada biık jetıstıkterge qol jetkızgenın airyqşa atap öttı.
Kezdesu barysynda Elbasy şeih Mūhammed ben Zaid Äl Nahaianǧa «Iаdrolyq qarusyz älem jäne jahandyq qauıpsızdık üşın Nazarbaev syilyǧyn» tapsyrdy. Ol Taq mūragerıne beibıtşılıktı, öŋırlık tūraqtylyq pen ornyqty ekonomikalyq damudy qamtamasyz etuge qosqan ülesı üşın berıldı.
Öz kezegınde Mūhammed ben Zaid Äl Nahaian Elbasyǧa jäne Nazarbaev syilyǧyn beru jönındegı komitet müşelerıne özınıŋ qyzmetın joǧary baǧalaǧany üşın rizaşylyǧyn bıldırdı. Sondai-aq, äŋgıme barysynda taraptar halyqaralyq jäne öŋırlık kün tärtıbındegı özektı mäselelerdı talqylady.
”Adyrna” ūlttyq portaly
Ūqsas jaŋalyqtar
